Bi De • Pan Yu Xin De Rui la ||Myanmar Translation||

19

[Unicode]

'မွှန်ထူခြင်း'

နောက်နေ့တွင် အဖွဲ့ဝင် ခြောက်ယောက်လုံး ကုမ္ပဏီကို ပြန်ရောက်လာပြီး ပုံမှန်အတိုင်း ဆက်လက်လေ့ကျင့်ကာ မနက်ဖြန် Title Song ကို အသံသွင်းရန် ပြင်ဆင်နေကြသည်။

Chorus အပိုဒ်ကို အကြိမ်ပေါင်းများစွာ လေ့ကျင့်ပြီးနောက်မှာတော့ သင်ပြပေးနေသည့်ဆရာလည်း အတော်လေး စိတ်ကျေနပ်မှုရှိသွားကာ သက်ဆိုင်ရာအပိုင်းများကို သီးသန့်လေ့ကျင့်စေတော့သည်။

သီချင်းက လေးမိနစ်မျှကြာမြင့်ပြီး သီချင်းမပါဘဲ ကပြဖျော်ဖြေရုံနှင့် လူစုံတက်စုံဆိုရမည့်အပိုင်းများကို ဖယ်လိုက်ရင် တစ်ဦးချင်းဆိုရမည့်ကြာချိန်က စက္ကန့်သုံးဆယ်မျှတောင် မရှိ။ တစ်ဦးချင်းစီက သာမန်အားဖြင့် စာကြောင်း သုံးလေးကြောင်းသာ ဆိုပြရန်လိုသည်။

ခေတ်ရေစီးကြောင်းပေါ်ရှိလူအသိုင်းအဝိုင်းများက အိုင်ဒေါအဖွဲ့တွေနှင့် ပတ်သတ်လျှင် ဇီဇာကြောင်လိုကြသည် — အိုင်ဒေါအဖွဲ့တစ်ခုကသာ သူတို့ကို ဘာနေနေအားပေးနေမည့် ပရိတ်သတ်အုပ်စုလေးရသွားတာနှင့် ထိုပရိသတ်များရဲ့ သူတို့သီချင်းဆိုမှုအပေါ် သည်းခံနိုင်နှုန်းက သာမန်အဆိုတော်များကို ဝေဖန်တာထက် ပိုကောင်းလာတော့သည်။ ထိုကဲ့သို့ ပရိတ်သတ်တွေက သူတို့အပေါ် သည်းခံလေလေ ဘေးမှလူတွေအမြင်မှာ ပိုလို့ဝေဖန်ဇီဇာကြောင်ချင်စရာဖြစ်လာရသည်။ သို့ပေမယ့် ဘေးလူအပေါင်းရဲ့ဝေဖန်မှုတွေကြောင့် ပရိတ်သတ်တွေက သူတို့အားပေးနေသည့်အိုင်ဒေါအဖွဲ့ပေါ် ပိုလို့ခွင့်လွှတ်အားပေးချင်စိတ်များဖြစ်ပေါ်လာသည်။

ဒါကြောင့်လည်း အောင်မြင်မှုလမ်းကြောင်းထက် လျှောက်ဖို့ကြိုးစားနေသည့်အိုင်ဒေါအဖွဲ့များမှာ အားပေးမှုတစ်လှည့်၊ ဝေဖန်ခံရတစ်လှည့် ကြုံတွေ့နေရခြင်းသာ။ ထိုအဖြစ်က သွ့မ်ယိခွန်း တစ်ခါပြောခဲ့ဖူးသလိုပင် ; 'အိုင်ဒေါဂရုများတွင် သီချင်းဆိုစကေးက သိပ်အရေးမကြီးလှ။'

သို့ပေမယ့်လည်း လူတိုင်းက အလေးအနက်ထားပြီး အပြင်းအထန်လေ့ကျင့်နေဆဲ။ ဘယ်သူကမှ အဖွဲ့ကို မနှောင့်နှေးစေချင်တာလည်းပါသလို အဖွဲ့ထဲ သူတို့ကိုယ်သူတို့ ပိုထင်ပေါ်နေစေချင်တာကြောင့်လည်း ဖြစ်သည်။ ပြောရလျှင် အဖွဲ့တိုင်းတွင် နာမည်အကျော်ဆုံးလူဆိုတာ ရှိသကဲ့သို့ စက္ကူဖြူလေးလို ဘယ်သူကမှ သူတို့နာမည်ကိုတောင် သတိမထားမိတဲ့အဖွဲ့ဝင်ဆိုတာကလည်း ရှိစမြဲဖြစ်တာမို့ပင်။