محلة نجيب باشا
بقلمي عطر الياسمين🌸🖤
البارت65
_____________
إي متعوب ..
و أضحك و أبتسم كلما أجاني غروبو أطير ويا الهوى ..
و أصحى على ذاك الصوبولا تاني بمحطة شوك
وادم كل حجيها ذنوب_____________
كال اللي يريد يكوله و طلع من المحادثه صفنت لحظات كلت .. آني ليش سكتت ؟!!
مو هذا حسام اللي كتل نفسه عليه ؟!!
مو هذا اللي سواه هو و بس !!
و هسه جاي يحاسبني الي لأن ما نزل و سلم عليه و على بابا ؟!!كتبتله .. اكلك اشو انت جاي تكلي الي هذا الحجي ؟!
ليش مو هذا ابنكم اللي متربي على ايديكم !!
اللي تمونون عليه اذا زل ويايه ؟!
اشوفه زل وياك و انت عايفه و جاي تعاتبني الي
جان كتبت هالسطرين اله ليش تكتبهن اليرد .. غير انتي مرته و انتي تعلمي شلون يحترم اهلج
- لا والله غلطان هذوله اهله اللي المفروض يربو مو آني هذا العتب جان لازم تعاتبه لعمي اللي كعدتو ببيته و ابنه ما وجبكم اذا هو هاي اخلاقه شنو تريدني اربي من جديد ؟!- شبيج عصبيه عابتلج
- اي طبعاً عصبيه اذا من هسه يجفص و اترزل من ورا بشي حتى ما عندي علم بي باجر اذا يسويله دكه وياكم ما اخلص آني- و اني شنو كارهه و دا احجي
- اي مادام تحبه روح عاتبه اله اني لا يمه ولا ادري شنو ديصير وياكم هناكسديته معصبه فوكاها بعد اكوم الم سوالفه العوج و اتحمل رزايل من ورا ؟!!
لا لهنا و كافيميسم و ماما صفنو عليه متعجبين من كلام حسام بعد ما لاحظو عليه العصبيه اللي سيطرت على ملامحي كالت ماما .. هو مو عنده رقمه ما يخابره اله لو يعاتب اهله انتي ليش ؟!
- حظي غير
رن تليفوني برساله فتحتها لكيت الشيخه سبأ تراسلني كاتبتلي جريده .. ماسه ترى عيب هذا الحجي المرأه لازم هي اللي تعلم رجلها يقوم بواجب خطاره تصرفه كلش مو حلو
- و آني شعليه و جايه تكوليلي شنو آني مربيته
-انتي لازم توجهي و تكوليله
- ليش بالله طفل هو ؟!
- لا مو طفل بس هاي مسؤليتج- لا والله يا عيني غلطانه هاي مو مسؤليتي اهله من خلفو همه اللي مسؤلين عنه و لازم يريو لو همه جانو ضامي الي منظريني اربيلهم ابنهم
- ما بيها شي و هي هاي مسؤلية المره تعدلين سلوكه و تصرفاته و ينعدل على ايدج
- شأعدل عمره 25 سنه تريديني هسه أعدله ؟!
همه اذا اللي خلفو ما علمو و ما سمع منهم راح يتعلم مني ؟! ما تسكتين لخاطر ربجتركتها و سديته بوجهه من حجيت لماما كالت .. و هي شنو صخام وجهه كاعده تنصح و تعلم خل تعلم نفسها اول اذا هي تربي اجيال و هذا عقلها
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل