محلة نجيب باشا
بقلمي عطر الياسمين🌸🖤
البارت 58
_____________
يخوي امك تتاني مكابله الباب
عليها تصب دمع حتى المنازل
مشت ويا الأذان تجيب جكليت
و كد جرح الوطن حضرت هلاهل
على الجيران تفتر تنثر نذور
صواني شموع ودت للعوائل
غرفتك هيه هيه و حتى الهدوم
بعد منك عطر بيهن يغازل
و بعد كل ذكرياتك عايشه وياي
بس اصفن كبل عالبال مريت
اموتن الف موته بعتبة الدار
لأن كل ذكرياتك ساكنه البيت ..
______________
؟؟ - زين هذوله شلون راح اوصلهم اذا انتي ما تعرفين مكان سكنهم بالضبط !!
؟ - عدنا ارقام تليفوناتهم
؟؟ - و اني شسوي بتليفوناتهم بالله
؟ - نستدرجهم شويه شويه
؟؟ - و منو يكول ما يشكون بيه
؟ - اني مستحيل اجازف بيك عندي خطه ذكيه تخليهم يجوك ركض برجليهم
؟؟ - شنو خطتج
؟ - ابنهم صارله سنين بالسجن و ما يعرفون مكانه وين انطيك ارقامهم و اتصل بيهم كوللهم اني منتسب و دزني ابنكم جايبلكم امانه او دزلكم بأيدي رساله و من يوصلوك انت تعرف الباقي
؟؟ - هههههاااااي لج شنو من عقل شايله انتي
؟ - عجبتك الفكره ذكيه مو بالله
؟؟ - لا والله شيطانيه هم مو بس ذكيه
؟ - اهم شي حسام اريدك تخلصني منه
؟؟ - شمسويلج و هيج حاقده عليه
؟ - واحد حقير و مسموم
؟؟ - هسه ما افتهمتج تريديني اكتل حسام لو ابو
؟ - اثنينهم و اريدك بعد تشوفلي هذاك الجلب اللي بالسجن اشو صارله فتره لا حس ولا نفس شوفه وينه وين صفى بي الدهر بلكي ميت بالسجن
؟؟ - اسويلج بيهم العجب انتي بس اشري
؟ - همه بيتهم الشي الوحيد اللي يملكو بهالدنيا كدامهم و ما يكدرون يوصلون اله بعد ربك شيسوي بيهم اكثر من هذا
؟؟ - خليها عليه و انتي الج الصافي
؟ - راح اتعبك
؟؟ - تعبج راحه يا حلوه
؟ - نزول على سوالفك شكد حلوه
_______________
ميسم ..
بابا حجه بلهفه .. وين لكتهم و شلون
مسح وجهه حسام بأيده و كال .. المديره القديمه انقلت لمدرسه ثانيه و اللي تعينت بمكانها المعاونه و هاي صديقة سبأ و تعرف بالموضوع بحوشت بالسجلات القديمه لحد ما وصلت للسجل اللي بي معلومات حمودي و من اسم المدرسه مالته نكدر نوصلهم
BINABASA MO ANG
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل
