محلة نجيب باشا
بقلمي عطر الياسمين🌸🖤
البارت 59
_____________
كلهم جربتهم و طلعو تقليد
و حتى الكال اصلي هم كشف لونهيا كلبي بعد لا تصدك بهالناس
قليل اللي يقدر الزاد و يصونهبانت معادنهم و الأصل مغشوش
شريناهم ذهب و برخص باعونهطاحو من نفضت جتافي كومه عزاز
و لكيت بظهري صاحب نابته سنونهكلهم غربلتهم للأسف ما لكيت
غير اللي لذيذ النوم سلبوناو كلهم بس حجي يا كلبي يلله نروح
نجازيهم وفى و بغدر جازونه______________
؟ - ما كلتلي شلونها صوري عجبتك
؟؟ - وين جنتي ضامتهن عني هذني تقشمرني بكم صوره بالحديقه و الثكيل ضامته عليه
؟ - ههههههههه
؟؟ - اضحكي فدوه لهالضحكه هاي انتي هسه عندج احفاد و هيج لعد بأول زواجج شلون جنتي؟ - اوووف لا تذكرني بأول زواجي عمري خلص ويا واحد ما يسوى و ماعنده شخصيه
؟؟ - لعد ليش قبلتي بي؟ - كلت هذا فقير و على كد ايدي و اخلص من ضيم اخواني تالي طلع خرخاشه بأيد امه و خواته حجايه تجيبه و الثانيه ترده
١٨ سنه و اني عايشه ويا اهله بغرفه و لمن الله فرجها عليه و طلعت ببيت وحدي هو عجز و كبر و صار بي سكر ضرب كل شي بي
و هسه هو و الماكو سوه لا يهش ولا ينش و اني احس نفسي بعدني صغيرهما تشوف قلبي انفتحلك آني فاقده حنان الرجال صدكني بس انت طولتها كلش هوايه
؟؟ - ليش طولتها مو كتلج احبج بعد شكو
؟ - غير تشوفني شنو تكدر تسوي علمودي
؟؟ - ردتيني اكتلج ثلاثه و دا اسعى بالموضوع حتى اندل طريقهم و ما ساكت؟ - و بعدين
؟؟ - بس نخلص من هذا الموضوع اسويلج بيت يليق بيج و نصير سوه بس انتي مستعده تتركين زوجج؟ - اكيد مستعده و حلفتلك اكثر من مره بس اشوف البيت و اتأكد انه انت صادق ويايه اعوف كل شي و اجيب جهالي الصغار و اجيك
؟؟ - زين بناتج الكبار شلون
؟ - شنو شلون بناتي شعليهن كل وحده كاعده ببيتها و عايشه ويا زوجها و حياتهن ماشي شعليهم بيه آني محد يهمني غيرك
؟؟ - ولا آني يهمني غيرج حياتي_______________
عبد الرحمن ..
قبل المحكمه بيوم نقلونه اني و كل الولد اللي عدهم محكمه لسجن ثاني يعتبر محطه انتقاليه نبات بي ليله و ثاني يوم من الصبح ياخذونه للمحكمه
![](https://img.wattpad.com/cover/320701244-288-k273463.jpg)
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل