محلة نجيب باشا
بقلمي عطر الياسمين🌸🖤
البارت 36
____________
( فَطَوَّعَتْ لَهُ نَفْسُهُ قَتْلَ أَخِيهِ فَقَتَلَهُ فَأَصْبَحَ مِنَ الْخَاسِرِينَ )
صدق الله العظيم
___________
صرت اخاف من اليغرد بالمبادئ
ويدَّعي العفه ويسولف بالشرفوصرت اخاف من الينظّر بالسياسة
ومن تصح له المنفعه تنرفز هتفوصرت اخاف من اليجادل بالثقافة
وبالنقاش تشوفه جاهل وإختلفوصرت اخاف من اللي سبع وجوه عنده
اغلظ الآيمان اقسمها وحَلفوصرت اخاف من اللي ملگاه إبتسامة
وبألاصل حاقد عليه وما نظفوالنطيته اسراري ~ لا منطي له بير
صار يغرف منه ويشرّب السلفما يغزر بي وإنه الوكلته روح
ضاگ ملحي وجفنه ما حسيته رفالشاشة خلت كل ردي يفزز له جيل
خلت الما يسوى واليسوى انعرفوخلت السلاّب يطلع كالـفقير
وهوه باع دمائنا وعاش بترف____________
عادةً التصرف السامي و الرائع من نريد نختصر وصفه نوصفه بالأنسانيه ؛ ما كنا نعرف انه راح تمر علينا ايام تخلي الأنسان يخاف من الأنسان لهالحد
من وقت ما مد ايده قابيل و قتل اخو هابيل و سَن سُنة القتل صارت البشريه بخطر و دم الأنسان صار رخيص بنظر بعض المحسوبين على الأنسانيه
بس بكل مكان بالعالم و بكل دين اكو تشريعات تحمي روح الأنسان و تعتبرها مقدسه بس بأماكن ثانيه بنفس هذا العالم غابت التشريعات و غاب القانون و غابت القوه اللي تردع كل ظالم
و ساد قانون الغاب ؛ لااا لااا حتى بقانون الغاب مايصير مثل ما صار بينا حتى الغابه الها قوانين ؛ اللي صار بالعراق بهالسنوات حتى ما كدر يرتقي لمستوى قانون الغاب
اثنين يتواجهون واحد يقتل الثاني لا القاتل يعرف ليش ديقتل ولا المقتول يعرف ليش انقتل !!
و همه يمكن قبل جانو جيران او اصدقاء او حتى واحد ما يعرف الثاني بس الغايات السياسيه اللي انرسمت حتمت عليهم ان يكونون قاتل و مقتول !!
![](https://img.wattpad.com/cover/320701244-288-k273463.jpg)
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل