محلة نجيب باشا
بقلمي عطر الياسمين🌸🖤
البارت 20
_____________
صعب عالطاهر حليبه يخون
و يغدر صاحبه من كان طاهر
و الرابي بنخاسه منين اله اخلاق
يظل شما نظف عاهر و فاجر_____________
- اطلع برررره كلب بره يلله لا توسخ بيتي
رد بكل صلافه .. و هو وينه اللي كاعده تنتظري؟! زين اذا شفتي اسبوع من الشهر
- سد حلكك و لاتجيب طاري على لسانك هذا اللي دتحجي عليه حيدر من تحجي بطاري تتوضى يلله تنطق اسمه لأنك نكس ؛ رجلي يشرفك و يشرف عشيرتك كلب
رد و على وجها ابتسامه حقيره .. ميخالف مقبوله منج بس ترى اني هم مااتعيب
- اطلع بره كتلك لا اصيح و الم عليك الجيران و اخليك ترجع لمرتك مكسر اطلللع
قبل ما يرد سمع صوت باب الجيران ينفتح المره طلعت تذب الزباله بالباب هو خاف و تراجع بعدين
حجى .. الي جيه ثانيه ان شاءالله- جرب و شوف اذا هالمره طلعت على رجلك المره الجايه اذا دست عتبة بيتي تطلع منا شيل
حجيتها و ركعت الباب بوجها و دخلت للبيت اركض و كل ذره بجسمي ترجف الخوف اللي حسيت بي بيومها جنت اول مره بحياتي احسه رغم واجهته و ما حسسته بخوفي بس بالحقيقه جنت مرعوبه
اني وحدي و البيت جبير و اله اكثر من مدخل و هو جاي و مترهي واكف يحجي بكل اريحيه لأن متأكد ماكو احد
دخلت اركض بالبيت تأكدت من الباب الخشب مقفوله زين بعدها ركضت للباب مال الطرمه الخلفيه تأكدت من قفلها و باب البره لفيت عليها الزنجيل
لأن هو يعرف كل مداخل البيت اهل حيدر سنين و همه هنا و هو دوم يجي و يفوت و يندل كل شي
ركضت عالتليفون المن اشكي المن الجأ اقرب وحده عليه عمه بهيه بيتهم اقرب من بيت اهلي اتصلت بيها و هي وحدها بالبيت خالي عسكري
اول ما رن ردت .. الو
- الو عمه شلونج
- هلا هلا سناء الحمدلله بخير انتي شلونج
- عمه اني بمشكله و خايفه و مدا اعرف اتصرف
- شكو شصاير ولج الجهال بيهم شي ؟!
- لا الجهال بالمدرسه و اني وحدي بالبيت
- صخام الصخمني بس لا طفر عليج حراميحجيتلها كل اللي صار تعصبت و ردت .. انعل ابو لابو شرفه هالكلب يريد يحفر قبره بأيده المعزى من منو يخلص من حيدر من اخوانج من عمج و خالج هذا شبي مخبل شلون غيره سز هذا ياربي شديصير بالدنيا
- اني اعرف الحياكه مو منه هو هذا طلي بس هاي سوالف ابتهال الحقيره
- والله شكلج هي حقيره بس لهنا توصل حقارتها ما وكف بعينها اخوها !!!
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل