محلة نجيب باشا
بقلمي عطر الياسمين🌸🖤
البارت 47
____________
و ماذا عن ذلك الليل الحالك الذي بداخِلك ؛
هل هناكَ بدراً يُضيئه ..؟!
____________
ميسم ..
سادت لحظة صمت و الكل مصدوم خصوصاً حسام اللي جمد بمكانه بس عيونه مفتوحه بدهشه و الصدمه سيطرت على ملامحه حسيت كلمتها جانت خنجر زرف قلبه
و ماما هم من الصدمه ما عرفت تحجي شي محد جان متوقع تطلع منها هاي الكلمه ابد ولا جنا متوقعين راح يجي يوم و توكف كدامه و تعيره بحالته
ما كدرت اسكت التفتت الها بعصبيه و رديتها .. ما خجلتي من حجيتيها ليش هو بأيده ؟!
ردت عليه بعصبيه و صياحها ما سكت و فجأه يجي الرد السريع من حسام رجفت ايده بقى يتلفت حواليه ما لكى شي نزع حذاءه و شمره عليها و ماما و ايناس مجلبين بي
و هو يصيح و يغلط ضربها بالفرده الأولى
و هو يغلط .. بنت الكلب اليوم انعل والديج
انشمرت يمها و ما اجتي بيها رجع نزع الثانيه بسرعه و شمرها .. اصير ****** اليوم اذا بقيتج يمي بنت الكلب
و هي مستمره تغلط و تصيح اريد اسكتها ماتسكت هو يغلط و هي ترد الكلمه بعشره ماما صاحت بيها و رزلتها ما اهتمت حطيت ايدي على حلكها .. كااافي اسكتي
- ووووخررري ماااسكت و شيريد يسوي خل يسوي
- دتشوفي عصبي تجفي الشر و فوتي جوه وخري من كدامه
- مااااا اااااوخر خل يشوفني شيكدر يسوي غير يسب بأهلي
- ياااابه والله مو صوجج آني قندره و واكفه ادافعلج و انتي محد كاسر عينج اقلها خلي احترام لأمي اللي واكفه بينكم
هو يصيح و يفلت من فوك ماما و ايناس يمد ايده يخمطها و يرجعن يدفعنه هو طويل و هنه كصار طلع عبد الرحمن على صوت الهوسه مبهوت
شاف حسام واكف و يصيح بعلو صوته و دفع ماما و ايناس و دفر سبأ كمز عليه حضنه و دفعه .. شبيك يمعود اتعوذ من الشيطان
ما رد عليه مستمر يصيح على سبأ .. امشي ولي لمي سلاباتج اليوم ما تظلين عندي دا اوديج لأخوانج العارات اليوم الا اتفل بشواربهم على هالتربيه اللي ربوها الج تربيه مال *****
عبد الرحمن حط ايده على حلكه .. لك بابا شبيك تعوذ من الشيطااان عيب عليك تحجي هالحجي لمرتك و خواتك واكفات استحي
دفعه بقوه و كال .. انعل ابو مرتي مربيلي حيه مو مره الأدبسز
و هي مستمره كلمه بكلمه ترد و ماتقبل تتزحزح من كدامه نسكتها نحاول ولا يفيد كلنا واكفين بينهم و محد كسر عينها
بس ماسه و عبير انهزمن وكفن يم الباب و يباوعن من بعيد يحسبن هجمات و اهداف التفتت عليهن عاقجه وجهي و كلت .. جبانات
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل
