محلة نجيب باشا
بقلمي عطر الياسمين🌸🖤
البارت3
________________
وَنهرُبُ للخَيَال إذَا ابتَعَدنَا
عَنِ الأحبِابِ والأشْوَاق نَارَا
وَيَقتُلُنَا الحَنِينُ بِجنْحِ ليلٍ
إذَا مَا شَوقنَا باللَيلِ ثَارَا
وَتَنهَمرُ الدُّموعُ لِفَقدِ خِلٍّ
ودَمعُ الفَقدِ شَوقًا وانكِسَارَا
ومَا لِلقَلبِ مِنْ طِبٍّ يَقِيهِ
إذا مَا البِينُ مَزَّقَهُ وَجَارَا
فَكَيفَ لَنَا نَعِيشُ ونَحنُ نَدرِي
حَيَاةُ القَلبِ بَعدَهُمُ دَمَارَا
فَيَا رَبَّاهُ وَحدَكَ مَنْ يُدَاوِي
وَجُرحَ القَلبِ تَملَؤهُ ازدِهَارا ...
________________
عبد الرحمن ...
- حييدر
- نعم يابه
- روح على حجي عوده جيب منه الفلوس اطلبه و كال ادزهن و مادزهن
- تأمر يابه
- بسرعه روح و تعال لا تسويها جنجلوتيه ( لا تطولها )
- تمام يابه
راح و رجع ورا نص ساعه كتله :
- اشو رجعت بسرعه؟!
لا تكول ما جبتهن
شال العلاكه اللي بأيده خلاها كدامي و كال :
- مو بالحيف يابه تدزني و ارجع خالي؟
- عفيه وليدي حسبتهن؟
- هو كال احسبهن قبل ماتطلع تأكدت منهن يلله جبتهن اخاف هو مخربط بالحساب ...
- لك شبسرعه ما طولت ساعه
حك حاجبه و ابتسم كتله :
يلله نعزل ؛ راح وزع يوميات العمال و طلعنا اني ويا
________________
انور ...
كاعدين بالمقر العسكري بعد معركه حاميه وصلتنه احداثيات اليوم اكو هجمه استعدينا و اخذنا عتادنا ويانه و طلعنه من المقر
ورا ساعه من طلعتنه سمعنا صوت قوي جاي من جهة المقر اللي جنا بي انقصف قصفته الطائرات
بقينا بالساتر بعدين صار الرمي قوي علينه صاحني صاحبي
- انور خل نغير مكاننا لازم نطلع منا نختل ورا هذاك التل
انسحبت المجموعه كلها ليورا التل منصين روسنا و نركض بسرعه و القذائف مال الهاونات توكع قريبه من عدنه و شضاياها تتطاير بين رجلينا
اجاني صوت شهاب صديقي يركض ورايه و فجأه صاح
- اااااخ
- لك شبيك؟
- رجلييي اتصوبت اااخ
شلته اني و عماد و ركضنه ويه الركضه مالتنه بمنطقه مكشوفه بعدلنه ٢٠٠ متر و نوصل ورا التل فجأه حسيت شي حار اخترق بطني
هديت صاحبي و حطيت ايدي على بطني و صحت :
- اااااخ
اجه بأذني صوت شهاب و عماد و بقية المجموعه
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل
