محلة نجيب باشا
بقلمي عطر الياسمين🌸🖤
البارت 33
_____________
ابلغ حبيباً في ثنايا القلبِ منزلَهُ
أني و إن كنت لا ألقاهُ القاهُ
و إنَّ طرفي موصولٌ برؤيتِهِ
و إن تباعَدَ عن سُكنايَ سُكناهُ
يا ليتَهُ يعلم أني لستُ اذكُرُهُ
و كيف اذكُرُهُ إذ لستُ أنساهُ
يا مَن تَوَهَمَ أني لستُ أذكُرُهُ
و الله يعلم أني لستُ أنساهُ
إن غابَ عني فالروح مَسكَنَهُ
مَن يسكُن الروح كيف القلبُ ينساهُ !
المتنبي ...
_____________
شهكت و اني اشوفه دخل علينا بطوله الحلو و ملابسه العسكريه و بشرته مسمره اكثر من قبل ناطيته حسن فوك حسنه حبيبي فدوه لطوله احس هسه يلله ردت روحي كأنه قطعه من كلبي جانت بعيده عليه و هسه رجعت لمكانها
ركضت عليه اني و خواته و حيدر طلع من المضيف هو و عبد الرحمن و كل اللي بالبيت وكفو يرحبون بي و يتحمدوله بالسلامه حضن ابو و باس ايده و بعدها حضنته آني ضعت بحضنه مسح دموعي مبتسم و حجى
- شنو القضيه يمه ليش هالبجي مو هاي اني كدامج زين مابيه شي
- لك ليلي ما جنت انامه من التفكير بس الله يدري شلون مرت عليه هذيج الأيام
حيدر سأله .. شلون نزلت مجاز يعني ؟!
- اي يابه مجاز
حجى ناصر .. و شلون الوضع مكانك شلونه ؟!
- زين خالو ماكو شي
ردت غيداء .. يا زين يمعود السالفه مليوصه تعال شوف الأخبار شتحجي
- مااعرف اني بالنسبه الي مكاني حالياً زين ماكو شي
صاح رائد ابن عمي .. يابه خلو الولد يفوت يرتاح شبيكم وكفتو بالباب ؛ تفضل يابه استريح
حيدر وكف كدامه و حجى بحزم .. بعدد ما تروح مفهووم ماتطلع منا و ممنوع تلتحق ماعندي استعداد اخسرك اني
- بابا ترى ماكو شي بعدين حتى لو اكو آني جندي و هذا واجبي اذا اني كعدت بالبيت و غيري كعد لعد منو يحمي اهلنا و بلدنا ؟!!
- جبت عمري كله نايم بالجبهه و حاط روحي على كفي و ما مهتم بس ما مستعد اضحي بواحد منكم و انتو بس هالأثنين كلمه كلتها و بعد ما اعيدها بعد ماكو روحه افتهمت ؟!
تركنا واكفين و دخل للمضيف احسه كتله من عصبيه و يمشي عالكاع و حسام ساكت بس معصب يريد ينفجر و لازم اعصابه كوه حجى ناصر يحاول يهدأ الموقف
- اعذره ابوك و حقه يخاف عليك
- خالو تعرف شنو يعني اهرب من الجيش بهيج وضع ؟!! جبان اني و انهزم ؟!!
- مو وكت هالحجي هسه فوت ارتاح و بعدين نحجي
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل
