محلة نجيب باشا
بقلمي عطر الياسمين🌸🖤
البارت 51
_____________
محضرلك هوايه حجي
بس كون اريدنك تجيبأولها نكضيها عتب
بعدين نتشابك بجي_____________
ميسم ..
قبل العيد بكم يوم رجع حسام من سوريا و صار العيد عيدين كعدت ماما يمه و تسأله كال ..
- انطاني الدكتور هذا العلاج استمر عليه اربع اشهر و وراها نروح آني و سبأ ان شاءالله المره الجايه
رفعت ايدها و كالت .. الله يبرد قلبي عليكم و ما يضيعلكم تعب يارب
بعدها بيومين سمعنا صوت ماما بغرفتها تحجي بالتليفون و طلعت دكت باب غرفة حسام طلعنا نركض نشوف شبيها
فتح الباب حسام كال .. ها يمه شبيكم
ردت مبتسمه .. خالك ببيت علاء و عكب باجر راح يسافرون خابرت ابوك و كال روحو ودعو تقبل توديناقبل ما يرد احنا و سبأ كمزنا .. اييي عفيه حسام حباب لا تكول لا
- يلله بكيفكم اذا ابويه يقبل امشو هسه نروح
كمزنا كلنا فرحانين طلعت عبير من الغرفه بأيدها تليفونها هاي عايشه بغير عالم ما تدري شكو بالدنياوكفت بنصنا و كالت .. شكو شبيكم ؟!
ردينا بفرح .. امشي نبدل خالو راح يسافر و نروح لبيت خالو علاء نودعهمعبست وجهها و كالت .. تحجون صدك غيث هسه خابرني يكول راح اجي العصر
- اي كوليله راح نطلع
- شلون يعني اكله لا تجي !!- اي و اذا هسه هو بينه و بينج ربع ساعه طريق ويا الأزدحامات بس خالو كل شكد يلله نشوفه
ماما كالت .. ما بيها شي بنتي شنو قابل راح يزعل
- لا ما يزعل بس يعني.....قاطعتها و كلت .. هي اللي راح تزعل
ماسه و ماما ضحكو و هي اخذت تليفونها و فاتت خابرته ورا شويه طلعت مبتسمه كلنالهه .. ها شنو كال- كال روحي بالسلامه و سلميلي على اهلج اتونسي و من ترجعين اجيكم
ردت ماما .. هلا بيدخلنا لغرفتنا ركض نحضر ملابسنا فات عبد الرحمن نطينا خبر لأن همه ما يجون ويانه السياره ما تكفي كال .. روحو الله وياكم و سلمولي عليهم كلهم
حطينا غراضنا بالسياره ما اخذنا هوايه لأن هي ليله وحده و انطلقنا لبيت خالو علاء
خالو قضى اجازته بين بيت خالو ناصر و بيت خالو علاء و اجانه كم مره و حضر المهر مال عبير و تعرف على خطيبها
هاي المره ما اجه بس هو و عائلته ورا وصوله للعراق جايين ورا ولد خالي ثائر الله يرحمه همه و عوائلهم حتى زوجاتهم يزورون اهلهم
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل