محلة نجيب باشا
بقلمي عطر الياسمين🌸🖤
البارت 15
______________
وقفتُ وحدي في أيامٍ لا يتجاوزُها المرءُ إلا جماعه🍁
______________
حيدر ...
آني كدها يابه ابنك كد الأمانه ما ضيعت تعبك ولا نسيت وصيتك بيوم ؛ حاربت سنين حتى ما يضيع تعبك و حق اخواني نام مرتاح و لا تشيل همهم انت خلفت زلم الف رحمه على روحك وصيك انفذها لو ادفع عمري كله و اخواني اكبرهم بخيرك
و اني ابن عبد الرحمن الشيخهذا اللي جنت اردده بيني و بين نفسي و اني راجع للبيت و احس انشال جبل هموم من صدري و قربت ارجع الأمانه لأاصحابها
___________
سناء ...كعد حيدر و حجى .. يوم وين الولد
- بالغرفه ديقرون و هذا زياد هسه اجه هم بغرفتهجان بس نهاد كاعد و حجى .. ليش تسأل عليهم اكو شي؟!
- اي صيحهم اريدكم كلكم ؛ انجمعو و فجر القنبله حيدر و الكل تفاجأ من رفع راسه و كال
اليوم بيتنا رجعلنا ؛ سددت الدين كله
الكل فرح و حجى زياد .. يعني هسه نكدر نبيعه مو؟
للأسف لا!!
- ليش لا لعد مو سددنا الرهن؟!
- لازم نسكن بي سنه كامله و وراها من حقنا نبيعه
- اي ماكو مشكله نشيل و نكعد ببيتنا عليمن باقين بالأيجار؟!رد عليه حيدر بعد ما وكف .. لا مااروح اني مااكعد بي بعد اذا تريدون انتو روحو
عمتي تدخلت و كالت .. ولا آني مااكعد بهذاك البيت بعد
و من بعد طول نقاش استقرو و اتفقو انه زياد ياخذ زوجته و بنته و يروح يسكن بي اما حيدر بقى متمسك برأيه و رفض رفض قاطع هالموضوع
صعبه عليه يعيش بالبيت اللي جان لامهم كلهم و طلعو منه همه مكسورين هيج كسره ؛ اكيد كل مكان و كل ركن اله بي ذكرى و اصعب شي انه الأنسان يعيش بين ذكرياته و يشتاق لناس بعد مستحيل ينجمع بيهم مره ثانيه
ثاني يوم جان يوم راحو هو و زياد يستلمون مفاتيح البيت من المستأجر اللي رفض يطلع بالبدايه و بقى هو و حيدر يتجادلون و هدده حيدر انه يشتكي عليه يلله قبل يشيل
______________
حيدر ...و يبقى شيءٌ من الماضي عالقٌ بنا رُغمَ الزمن ؛ شيء تعجزُ يد النسيان ان تطاله فيتسلل إلى قلبك شعورٌ غريب يجعلك ترى الحياة و كأنها قد خلت من البشر و لم يعد فيها سِواك
راحت عيوني للحديقه اشوف ابويه واكف يرش الزرع و يغسل الأشجار شميت ريحة التراب و هو يتبلل بقطرات المي
يلتفت الي عاكد حواجبه و يكلي .. ها ولك اشو بعدك هنا اني وين دزيتك؟!
يتخيلي ملامح حيدر ابن ال١٩ سنه يرد بأبتسامه و بفخر .. يابه رحت و رجعت ؛ فرحان بملامح الدهشه اللي تنرسم على وجه ابويه و هو يكول انهجم بيتك شبسرعه
![](https://img.wattpad.com/cover/320701244-288-k273463.jpg)
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل