محلة نجيب باشا
بقلمي عطر الياسمين🌸🖤
البارت 31
_____________
هناك أماكن على أرصفة الذاكرة
كلما مررت بها استنشقت ذكريات لم تكن عابرة ؛رائحة الأشخاص ما زالت متواجدة ... و حتى وإن تراكم غبار الزمن عليها إنما تظل مسكونة بأرواح من سكنوها_____________
بيت ناصر بقو ويانه عشر ايام لحد ما رتبنا غراضنا كلها و استقرينا و بعدها حضرو نفسهم حتى يرجعون لبيتهم لمينا الريوك اني و البنات افتقدت انعام
دخلت للغرفه ادور عليها لكيتها تلملم بغراضهم و ملابسهم و تحضر جنطتها
- هاي شدتسوين؟!
- دا الم ملابسنا شنو قابل شكد بعد نبقى
-لااا عفيه تعودنا عليكم- لا قلبي الله يعمر بيتكم هم كافي و مناك فارس هسه الله يعلم كم مره مخابرنا و احنا ماكو و انتو هنا ماعدكم خط ارضي و بيت رجاء اصلاً ماعدهم تليفون و هي يمكن تجي تجيب طه بعدنا ما نقلنا للمتوسطه ليهسه
- فارس مو نطيتو خبر انتو يمنا
- اي صار اسبوعين من نطينا خبر و خطيه يظل باله
- لا تكطعون فدوه اخاف تكولون صرتو بعيدين علينا
- لا ان شاءالله مانكطع شعدنا اشو ناصر و ترك الدوام و سياره اكو الحمدلله و نجيكم ان شاءاللهفاتت عبير شافت الجنطه دمعت عينها باوعت عليها انعام و كالت .. ها ولج هم راح تبجين انتي ماتبطلين هالطبع من انتي هالكدوتج كل مااطلع تبجيني و تخليني اطلع امسح بدموعي و اني من اروح لأهلي ما اسويها
- يعني صدك راح تروحون ؟
- اي يعجبج تجين ويانه ؟كيفت و كالت .. ايي بس اخاف بابا مايقبل
حجيت اني .. لا همه اسبوع و يجون خالج ناصر راح ياخذنا علمود النقل مالتكم انتي و خواتج
- صدك والله ؟!حجت انعام .. اي والله صدك راح عن بالي موضوع النقل ؛ لعد ما نتأخر ان شاءالله
- اذا هيج زين لعد ؛ بس ماما ترى اريد صدريه جديدهرديت عليها .. اي هسه نكله لخالج و ياخذنا نشتري قماش و اخيطلكم
انعام كالت .. اني هم اريد اشتري قماش و تخيطيلي دشاديش مال بيت عفيه
- ادللي بسيطهتركناها و طلعنا ورا شويه طلعت مبدله و ناصر لبس ملابسه ديطلعون اجتي ايناس شايله دبة الزيتون من شافتها انعام كالت .. ايي عفيه والله جنت اريد اكلج و نسيت
سلمو علينا و طلعو و البيت كأنه فرغ وراهم ورا اسبوع رجع بس ناصر اخذنا اني و البنات و عبد الرحمن و رحنا للمدرسه مال البنات نطلب نقل
دكيت الباب و سلمت عالمديره باوعتلي من ورا النظاره و ردت السلام كعدت كدامها و كلت .. اريد انقل بناتي جبت ورقة قبول من المدرسه اللي راح تستقبلهم
![](https://img.wattpad.com/cover/320701244-288-k273463.jpg)
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل