محلة نجيب باشا
بقلمي عطر الياسمين🌸🖤
البارت64
بلا تعليقات مسيئه رجاءً بنات لا تتجاوزون على حيدر انطو رأيكم بدون تجاوز
_____________ما طبكن سره طَبّن عَلَي كُلهن
و كتلني و بعد ما أكدر اكتلهناذا شَدّن جدامي و شَدّن الجفين
و كعدن عالصدر جا بعد شيحلهنو يلتمن عليه مشتتات البال
يا عريان كلي شلون تنفضهن ..؟!_____________
الكل فرح و صار حسام يضحك بوجهي و اجه باسني و باركلي بابا كال لماما .. خابري جنان رديلها الجواب
صاح حسام .. و خابري عبير كوليلها ماكو قسمه البنيه يريدها ابن عمها
ماما كالت .. جنان اصلاً ما فتحت ويايه الموضوع انت كول لأخوك احسن
بابا رفع تليفونه و اتصل بعمو عدنان و بلغه بالجواب شويه و اتصلت خاله جنان على ماما فرحانه و خبصتنا بالهلاهلكالت .. اخيراً يمعوده ماسه صدك جذب صارلنه اسبوع ننتظر
ردت ماما .. كل تأخير بي خير ان شاءاللهبقت تسولف و تضحك ما تعرف شلون تعبر عن فرحتها ماما حاولت ما تطول وياها كالتلها .. حيدر يريد ريوك بعدني ما سويت
ترخصت و راحت و خابرت ماما على عبير ردت عليها ترحب .. صباح الخير ماما شلونكم ؟
- الحمدلله انتو شلونكم
- بخير الحمدلله ؛ اكلج يمه خابرتج علمود الموضوع اللي كلتيلي عليه- اي اخيراً قررتو ؟
- اعتذريلي من ام غيث كوليلها امي تكول نتشرف بيكم بس ابن عمها رادها
- صدك ماما ؟!
- اي والله يمه هذا اللي صار
- صارلي عشر ايام منتظره الجواب تالي ترجعولهم الرفض ؟! يعني ماسه موافقه على ضرغام ؟!
- اي هي كالت موافقه
- و بابا يقبل ؟!- اي ليش لعد ما يقبل يكول وين الكه احسن من ابن اخويه ؛ و ابن العم اولى من الغريب
- اولى شنو ليش ورث الخلفو هي !!
ماسه مو جانت رافضه وينها انطينياهه اشوفهانطتني التليفون ماما و طلعت من الغرفه عبير تباوعلي بأستغراب كالت .. صدك قبلتي
ابتسمت و كلتلها .. يكولون يحبني و صارله سنتين منتظر تتعدل امورناردت بعدم اقتناع .. اذا انتي مقتنعه براحتج بعد شايفه الخير ان شاءالله حبيبتي
- الخير للجميع يارب ؛ ااا يلله عبوره راح اروح ماما دتسوي الريوك وحدها
- روحي حبيبتي الله وياجعبير ..
سديته منها و جريت حسره كلتلها .. يا غبيه يا ماسه ضيعتي من ايدج دره مثل خالد و قبلتي بضرغام عقله عبالك طفل و محد يحترمه من اهله لا منطق ولا شخصيه شلون قبلت بي ؟!
![](https://img.wattpad.com/cover/320701244-288-k273463.jpg)
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل