محلة نجيب باشا
بقلمي عطر الياسمين🌸🖤
البارت5
______________
فقدان الأب هو الدرس الوحيد لتعليم الإنسان كيف ينظر للأشياء بحجمها الضئيل، فليس بعد فقدانهِ ما يستحق الوقوف عنده كالمسافر بلا وطن.
______________
حيدر ...صارلي ايام اشوف صحته مو تمام و وضعه ما عاجبني و كل ما اكله اخذك للطبيب مايقبل و يعاند
الى ان بالليل اندكت باب غرفتي و فاتت امي و كالت :
- كوم ناخذ ابوك للمستشفى
- شبي؟!!
- يشكي من صدره و مخنوكلبست بسرعه بين ما كملت هي راحت كعدت زياد يجي ويانه و نزلنه نركض طبيت عليه لغرفته لكيته كاعد عالسرير و يفرك بصدره شكله متضايق
- ها يابه سلامات
ما رد عليه شكله مابي حيل يحجي بس يكابر و مايريد يبين هو متأذي ؛ سندته و كومته مشينه مسافه و اجه زياد يسنده من الجهه الثانيه كال :
- مابيه شي اكدر امشي
اخذنا و رحنا للمستشفى و امي ويانه نام عالسديه و اني واكف يمه لزم ايدي و صاح بصوت تعبان
- حيدر
- نعم يابه
- اخوانك امانه برقبتك انته الهم من بعدي
- يابه الله يخليك لاتحجي هالحجي بعدك بحيلك الله يخليك النه- اذا رحت انته تصير بمكاني
- محد ياخذ مكانك يابه محد يكدر يسد بمكانك
- صير سند الهم و ربيهم مثل ما ربيتكم انته و اخوك اريد اللي يشوفهم يترحملي و يكول حجي عبد الرحمن خلف و نعم ما خلف- و اني منو يسندني يابه؟!!
اني منو الي؟!! بعدها لوعة انور جمره تجوي بصدري و انته تكلي هالكلام؟!!
بعدني محتاجك لاتعوفنياجه الدكتور :
- رجاءً اطلع بره خل نشوف شغلنه مو زين عليه الجهد مايصير يحجياتوجهت للباب و اجاني صوته يحجي بتعب :
- امك ... امك يابهالتفتت اله رجع حجه :
- مثل ماجنت سند الهه و دوم توكف بوجهي لخاطرها اريدك تبقى هيج .. جنت افرح من توكف تدافعلها و ماترضى تنطي بيها .... دير بالك عليها وليديحجى الدكتور :
- حجي ارتاح مو زين عليك تجهد نفسكسكت هو و طلعت بره و نظراتي عليه و دمعتي محبوسه مااريد انزلها .. عينه بعيني لحد ما طلعت بره و انتظر كعدنا بالممر اني و امي و زياد
نقلو للأنعاش و احنه نمشي ورا دخلو و سدو الباب ممنوع احد يدخل و الدكاتره واحد يفوت و واحد يطلع ورا ساعه صارت ركضه و اجه الدكتور الأكبر من الأثنين اللي جوه بالعمر
و اني و زياد نروح و نرجع بالممر و كل اللي يطلع نركض نسأله و ماينطينه جواب الى ان طلع الدكتور اتوجهنا اله نسأله هو وكف عاكد حواجبه و بأيده السماعه الطبيه و كال :
![](https://img.wattpad.com/cover/320701244-288-k273463.jpg)
YOU ARE READING
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل