محلة نجيب باشا
بقلمي عطر الياسمين🌸🖤
البارت 54
______________
جنت اضنك غير عنهم
جنت اضنك توكف بوجه الوكت
و جنت اضنك تحرك الدنيا و اهلهه لعيني
جنت اضنك منتظرني
جنت اضن و خاب ضني______________
- وقع هنا
- على شنو اوقع؟!!
- وقع و بدون نقاش لأن ماعندك غير خيارين و بس!!
لو توقع لو ادفن بحديقتكم جثه و تروح بيها انته و العائله الكريمه كلها شكلت؟!- شلون يقبل يوقع على اعترافات و يورط نفسه !!
- ماعنده غير حل ترى اكثر من شهر همه يحققون وياهم و تعرف يعني شنو تحقيق الكتل الشالو ما يتحمله بشر مجبور يوقع- و هسه شنو الحل
- الحل ننتظر المحكمه و بالمحكمه نطعن بالأعترافات و نكول انه جانت تحت ضغط و اجبار و اكو شهود يشهدون اذا اله يد بالجرائم المنسوبه اله لو لا- و اذا الشهود اندفعو شلون ؟!
- هاي منا لوكت المحكمه النا حديث ثاني بس اني هسه محتاج اجمع اوراق القضيه بعد عندي نقص و تعرف هاي تحتاج فلوس- شكد يعني؟
- فد الفين دولار
- مو هوايه ؟
- مو كلهن الي تعرف مو بسهوله اكدر آخذ اوراق القضيه لازم انتظر و الموضوع يطول
- ماشي الله كريم اجيبهن الك ان شاءالله بس ياريت تستعجل شويه
- اي اي بسيط تدللسده حسام و كعد يسولف اللي كاله المحامي ماما ضربت على وجهها و بقت تحرك بروحها
و تصيح .. شلون يا ربي دخيلك الولد راح يروح من عدناو بابا بس ساكت من يوم اللي اجينا لهنا و تغيرت حياتنا كلنا نفسيتنا تعبانه و محد اله خلك يحجي كلمه البيت حلو و نازك و صغير على كدنا و بابا اثثه من كل شي قبل ما نجي
ما جبنا من بغداد غير ملابسنا و شغلات بسيطه الباقي كله لكينا حاضر هنا بس مقهورين اني و ميسم على دراستنا راحت علينا السنه و محد ملتفت علينا
نريد ينقلونا لهنا و نكمل بس محد متفرغ همهم الأكبر هو عبد الرحمن كعدنا آني و ميسم كدام بابا و اتفقنا نحجي ويا بالموضوع ليش مستقبلنا يروح احنا شنو ذنبنا
- ماسه اخاف هو منا صاير عصبي و من اقل شي يتنرفز
- اي و اذا عصبي يصيح بينا و نسكت قابل راح يموتج من نبقى ساكتين يعني هاي كعدتنا
- اي و اني كليتي ببغداد يعني راح يقبل اروح مثلاً
- تنقلين هنا و نداوم سوهتشجعنا و طلعنا من غرفتنا ايد بأيد و كعدنا كدامه وحده تباوع عالثانيه و نبلع بريكنا اخاف يصيح بوجهنا
![](https://img.wattpad.com/cover/320701244-288-k273463.jpg)
KAMU SEDANG MEMBACA
محلة نجيب باشا
Fiksi Umumسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل