محلة نجيب باشا
بقلمي عطر الياسمين🌸🖤
البارت 18
______________
ستنتهي الحرب و يتصافح القاده ، و تبقى تلك العجوز تنتظر ولدها الشهيد و تلك الفتاة تنتظر زوجها الحبيب و أولئك الأطفال ينتظرون والدهم البطل ، لا أعلم من باع الوطن لكنني رأيتُ من دفع الثمن💔
محمود درويش
______________
يكولون الدنيا ما توكف على احد بس وكفت عدنا وكفت بعيوننا صرت اتمنى نرجع اطفال نركض و نلعب حول امنا و ابونا و نلبس ملابس امي و نقلد حركاتها و تصرفاتها جنا مستعجلين نريد نكبر
بس شو من كبرنا كضيناها خسارات !!
خساره ورا خساره و القلب بعد مابي يحمل لوعات جديده..
بعدنا بكسرة ابويه ماتخطيناها شبسرعه انكسرنا مره لخ .. اكتشفت انه الدنيا توكف ولو لحظات
توكف بعين الفاكد عزيز
بعين اللي تعب قلبه الفراك
قبل ايام عشنا حياة مثاليه بأجمل ما يكون و فجأه بلمح البصر كل شي انقلب و تغير و حلت محل النسمات الهادئه عواصف قويه كئيبه و مخيفه
و تبدل نور الشمس بغيوم سوده عتمت حياتنا و باكت فرحة بيتنا و بدلت صوت ضحكاتنا بدموع تجوي حتى القلب من تنزل
فتحتلهم الباب و نظراتي تتنقل بين ملامحهن هنه الأثنين شكلهن ما يطمن ابد و مبينه وجوهم جانو يبجون احس كلبي وكف و اني انتظر منهم تبرير لجيتهم الغريبه الي بهالظهريه !!
- شكو شبيكم شصاير ؟!
عمتي حاولت تتدارك الوضع و ردت .. شبيج فوتينا اول سلمي
- هلا بيكم تفضلو .. آسفه عمه بس شكلكم مايطمن بيكم شي؟!
- لا مابينه شبينه امشي بدلي و جيبي جهالج و تعالي
- وين ؟!
- لبيت اهلج
- مو دا اكلج صاير شي احجيلي عمه فدوه
عكدت حواجبها و غضبت ملامحها تغطي على شي جبير ما تكدر تكوله و ردت عليه بعصبيه
- شبيج تتفاولين ماكو شي امج شويه متخربطه
شهكت و صحت .. عزه شبيها امي هذاك اليوم اني يمها
- لا تخافين بسيطه ان شاءالله بس يلله بسرعه
- زين منو جابكم ؟!
- بتكسي اجينا يلله استعجلي
جنت الم المطبخ و احط الطماطه بالثلاجه و احجي وياهم بعدين لبست بسرعه اي شي لكيته كدامي و رحت وياهم ركض و اني ادعي كون امي مابيهه شي
وصلنه لفرع بيت اهلي و اشوف الشارع مليان شباب بملابس عسكريه واكفين سره و متوقف السره يم باب بيتنا
جان هذا المنظر يتكرر هوايه و نشوفه هوايه بس شوفة هالمنظر ابد مو مؤشر خير
حطيت ايدي على قلبي و صحت بعلو صوتي .. اخووووتييي لااااا ياربي اخوتي
DU LIEST GERADE
محلة نجيب باشا
Aktuelle Literaturسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل
