ကျွမ့်သခင်ကြီး မျက်မှောင်ကြုတ်လိုက်သည်။
'အရင်တုန်းကတည်းက ဒီသမီးနဲ့ အဆင်မပြေသလို ခံစားခဲ့ရပေမယ့် အခုတော့ ပိုတောင် ဆိုးလာသလိုပဲ သူမကို ထိန်းချုပ်နိုင်ပါတော့မလား'ကျွမ့်သခင်ကြီးက စိတ်လျှော့ပြီး ရှီရှန်းကို ကြည့်လိုက်သည်။
"ရှောင်ချုံ ငယ်ငယ်က အဖေ့ကို ပြောခဲ့တာကို မှတ်မိသေးလား"ရှီရှန်း မတ်တတ်ထကာ ကျွမ့်သခင်ကြီးကို တည်ငြိမ်စွာ စိုက်ကြည့်လိုက်သည်။
"ကျွန်မ မှတ်မိရင် ဘာလုပ်ရမလဲ မမှတ်မိရင်ရော ဘာလုပ်ရမလဲ'
ကျွမ့်သခင်ကြီး၏ မျက်မှောင်ကြုတ်က ပိုနက်ရှိုင်းလာသည်။
"ရှောင်ချုံ မင်းရဲ့တာဝန်ကို မမေ့နဲ့"ရှီရှန်း ၏ မျက်နှာပေါ်တွင် ညစ်ကျယ်သော အပြုံးတစ်ခု ထွက်ပေါ်လာသည်။
"ယွီ၀မ်ရှင်းကို ငတုံးလို့ တကယ်ထင်နေတာလား သူက အဖေ့ကို အစကတည်းက စောင့်ကြည့်နေတာ သူ ကျွန်မကိုလုပ်ပြီး ဘယ်လိုလုပ်ပြီးထိပါ့မလဲ"
"သူက အစကတည်းက သတိထားမိနေတယ်လို့ မင်းပြောတာလား"
ကျွမ့်သခင်ကြီးက အံ့သြသွားသည်။"အင်းလေ နန်းတော်မှာ နှစ်အတော်ကြာအောင်နေပြီးပြီ ကျွန်မ အသုံးမကျလို့ ကိုယ်ဝန်မဆောင်သေးတာလို့ အဖေထင်နေတာလား"
ကျွမ့်ချုံသည် ကိုယ်ဝန်ရရန် လုံလောက်အောင် မကြိုးစားဟုသာ ကျွမ့်သခင်ကြီးက အမြဲထင်ခဲ့သည်။
ကျွမ့်သခင်ကြီး၏ အမူအရာက ဆိုးရွားသွားသည် ။ ယွီ၀မ်ရှင်းသည် သူ့ကို အစကတည်းက စောင့်ကြည့်နေမည်ဟု သူ မမျှော်လင့်ထားပေ။
တရားရုံးတွင်လည်း ကျွမ့်အိမ်တော် ကို သတိထားနေကြောင်း အရိပ်အမြွက် မပြခဲ့ပေ။
'သူက ကျွမ့်ချုံ ကိုလည်း အများကြီး ဂရုစိုက်ခဲ့ပါတယ်... ဒါနဲ့ သူက ငါ့ကို ဘယ်တုန်းက စပြီး သတိထားမိသွားတာလဲ'
ကျွမ့်သခင်ကြီးငြိမ်သက်သွားသည်။
"ပြီးခဲ့တဲ့ရက်အနည်းငယ်က ဘာဖြစ်ခဲ့တာလဲ"ရှီရှန်း ပုခုံးတွန့်လိုက်သည်။ "တစ်စုံတစ်ယောက်က ကျွန်မကို ချောက်တွန်းတယ် နောက်တစ်ယောက်က အဲ့ဒါကို အခွင့်ကောင်းယူတယ် တော်တော်ရှုပ်ထွေးတဲ့အခြေအနေပဲ!"
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 15.18
Start from the beginning