"အရှင်မင်းကြီး ယွင်ကျဲယွီရဲ့ အမူအရာက သစ္စာဖောက်နေတာပဲ! အရှင် ဘာကိုစောင့်နေတာလဲ?"
ရှူးဖေးက ဖြောင့်မတ်မှန်ကန်စွာပြောလိုက်သည်။
ရှီရှန်း၏ မာနကြီးပြီးမောက်မာသော အပြုအမူများက ယွီ၀မ်ရှင်းကို အမှန်တကယ် ဒေါသထွက်စေခဲ့သည်။
"သူမကို ဖမ်းစမ်း!"
တော်၀င်အစောင့်တွေက ချက်ချင်းနာခံပြီး သူမဆီကို တိုးလာကြသည်။ ရှီရှန်းသည် သူမ၏ spaceထဲမှ ထူးဆန်းသော ကျောက်တုံးတစ်ခုကို ယူပြီး ညင်သာစွာ ဆုပ်ကိုင်လိုက်ရာ မမြင်နိုင်သော စွမ်းအားတစ်ခု ပေါ်ထွက်လာခဲ့သည်။
'ငါ့မှာ ဓားမရှိဘူး... ဘယ်လိုလုပ်ပြီး ဒီကောင်တွေနဲ့ တိုက်နိုင်မှာလဲ'
တော်၀င်အစောင့်တွေအားလုံးက မမြင်ရတဲ့ အတားအဆီးကို တိုက်မိပြီး မူးဝေကုန်ကြသည်။သူတို့က ဘာတွေဖြစ်နေလဲ မသိကြပဲ လက်ကိုဆန့်လိုက်သည့်အခါတွင်ပင် အတားအဆီး ကို မခံစားရပေ။ သို့ပေမယ့် ရှေ့ကို တစ်ကြိမ်ပြေးလာဖို့ ကြိုးစားတဲ့အခါမှာတော့ တူညီသည့် တွန်းကန်အားကို ကြုံတွေ့ကြရပြန်သည်။
သူတို့ အကြီးအကျယ် အံသြသွားကြသည်။ 'ဒါကဘာလဲ?'
"နတ်ဆိုး!!!…"
တစ်စုံတစ်ယောက်က အော်ဟစ်လိုက်သည်။
ဤရှေးခေတ်အခြေအနေမျိုးတွင် နတ်ဆိုးများ၊ နတ်ဘုရားများကို ယုံကြည်ကြပြီး နတ်ဆိုးများနှင့် သရဲတစ္ဆေများမှာ အလွန်ကြောက်စရာကောင်းလှသည်။
တော်၀င်အစောင့်များသည် ရှီရှန်းအား လှပသောမိန်းမပျိုဟု မမြင်တော့ဘဲ ခေါင်းသုံးလုံး၊ လက်ခြောက်ချောင်း၊ မျက်နှာစိမ်းနှင့် အစွယ်များပါသော ရွံရှာဖွယ်ရာ မိစ္ဆာမကဲ့လို ကြောက်ရွံ့စွာ ကြည့်နေကြသည်။
ရှီရှန်း မျက်လုံးပြူးသွားသည်။
'နင့်ရဲ့ဘိုးအေကို နတ်ဆိုး! ငါက ဘယ်နတ်ဆိုးနဲ့တူနေလို့လဲ'
"လူကြီးမင်းမင် မြန်မြန်လာ!"
တစ်စုံတစ်ယောက်က မင်ကျင့်ကို လှမ်းခေါ်သည်။
"ဒီ ယွင်ကျဲယွီ က ပုံမှန်မဟုတ်ဘူး!"
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 15.14
Start from the beginning
