"ဘာလို့လဲဆိုတော့ သူက မင်းရဲ့အားနည်းချက်မို့လို့ပဲ"
ရှီရှန်းသည် သူမ၏ လက်ကို ဖြေလျှော့လိုက်ပြီး ရှောင်ဟေး ကို အသက်ရှုခွင့်ပေးလိုက်သည်။
"ဒါကြောင့် သူတို့က မင်းရဲ့ကံကြမ္မာကို လွယ်လွယ်နဲ့ ခြယ်လှယ်လို့ရတယ်"
ရှီရှန်း၏ မျက်လုံးများက ပြုံးကာ ကွေးညွတ်သွားကြသည်။
"အခြားသူတွေနဲ့ ယှဉ်ရင် ငါ့မှာ ဆုံးရှုံးစရာ ဘာမှမရှိဘူး ဘာကို ကြောက်ရမှာလဲ ငါက သေရမှာကိုလည်း မကြောက်ဘူး သူတို့ကလည်း ငါ့ကို နိုင်မှာမဟုတ်ဘူး"
'ဒါပေမယ့်... မင်းမျိုးနွယ်စုကရော!'
"ငါသူတို့ကိုလည်း ဂရုမစိုက်ဘူး"
ရှီရှန်းက ရှောင်ဟေး၏အတွေးကို သိနေပုံရပြီး တစ်ခုပြီးတစ်ခုပြောနေခဲ့သည်။
သူမသည် ကျွင်းအိမ်တော်ကို အမှန်တကယ်ဂရုမစိုက်သောကြောင့် ၎င်းတို့ အသက်ရှင်သည်ဖြစ်စေ သေဆုံးသည်ဖြစ်စေ သူမကိုမသက်ရောက်ပေ။
"ငါ့မောင်လေးကို ကယ်မှာလား"
ရှောင်ဟေး က တိုးညှင်းစွာပြောလိုက်သည်။
"မကယ်ဘူး"
ရှောင်ဟေး၏ မျက်လုံးများတွင် စိတ်ပျက်မှုများ ပေါ်လာခဲ့လေသည်။
"ဘာလို့လဲဆိုတော့ သူက သေပြီးနေပြီလေ" ရှီရှန်းက ရွှီးရွှမ်းလိုက်သည်။
ရှောင်ဟေး၏ မျက်လုံးများ ပြူးကျယ်သွားကြသည်။
"မင်း လိမ်နေတာ မင်းဘယ်လိုလုပ်သိမှာလဲ"
"ငါက ကျွမ့်မျိုးရိုးပါ"
ရှောင်ဟေးရဲ့မျက်နှာတွင် မျှော်လင့်ချက်လုံး၀ မရှိတော့ပေ။
"လက်စားချေချင်လား?"
ရှီရှန်း သည် ပေါ့ပေါ့ပါးပါးရယ်မောကာ ပြောလိုက်သည်။ သူမက ငရဲမှ တွားထွက်လာသော နတ်ဆိုးတစ်ကောင်လိုပင် ချောက်ကမ်းပါးအစွန်း၌ ရပ်နေသောသူများကို တွင်းနက်ကြီးထဲသို့ ခုန်ချသွားစေရန် သွေးဆောင်နေလေသည်။
" မင်းကို ဘယ်သူက အမိန့်ပေးခဲ့လဲ ပြောပါ"
ရှောင်ဟေးက မောဟိုက်နေပြီး ရှုဖေးဘက်ကို လှည့်ကြည့်ဖို့ ရုန်းကန်နေရသည်။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 15.14
Start from the beginning
