'အဲ့အသံ... ဖူယိယွင်!'
"ရှင်...." 'သူဘာလို့ဒီကိုရောက်နေတာလဲ။'
လျို့ရွှီ သူ့ခြေထောက်များကို ပွေ့ဖက်ရန် လျှောက်သွားခဲ့သည်။
"ကိုကိုယိယွင် ရွှီအာ ရှင့်ကိုထပ်မတွေ့ရတော့ဘူးလို့ထင်ခဲ့တာ အဟင့် အဟင့်..."ဖူယိယွင် သည် လျို့ရွှီပြောပြသော ပုံပြင်ကို တုံ့ပြန်မှုမရှိဘဲ နားထောင်နေခဲ့သည်။
ဖူယိရွေက သူမကို ခြိမ်းခြောက်ပြီး အတင်းအကြပ်ခိုင်းစေခဲ့ကြောင်း လျို့ရွှီက ပြောသည်။ အကယ်၍ သူ့လက်အောက်ငယ်သားတစ်ယောက်သာ လျို့ရွှီကို ဖူယိရွေ၏အိမ်တော်၀န်းကျင်တွင် ရံဖန်ရံခါ မြင်ဖူးခဲ့ကြောင်း မတင်ပြခဲ့လျှင် ဖူယိယွင် သည် သူမ၏စကားများကို အမှန်တကယ် ယုံကြည်သွားပေမည်။သူ့စိတ်ထဲတွင် ဒေါသကို မျိုသိပ်ထားသည်။ "မင်း အမှန်အတိုင်းပြောနေတာလား"
လျို့ရွှီ က သူမ မျက်ရည်တွေကို သုတ်လိုက်သည်။
"ဟုတ်ပါတယ် ကိုကိုယိယွင် သူအတင်းအကျပ်ခိုင်းစေခဲ့တာပါ! … ရွှီအာ့မှာ ရွေးချယ်စရာ မရှိခဲ့ဘူး.. ကိုကိုယိယွင်ကျေးဇူးပြုပြီး ခွင့်လွှတ်ပေးပါ ကျွန်မမှားပါတယ် အခုချိန်ကစပြီး ရှင့်အနားမှာ အမှုထမ်ူပြီး ရှင်ဖြေစေချင်တာမှန်သမျှ လုပ်ပါ့မယ်!"'ဖူယိယွင် က ငါ့ကို အရမ်းချစ်တယ်.. ငါ သူ့ကို ကောင်းကောင်း ချော့နိုင်သရွေ့ အကျယ်ချုပ် ချခံထားရတဲ့ မင်းသားဖြစ်နေရင်တောင် အပြင်မှာ လိုက်နေတာထက် အများကြီး ပိုကောင်းလိမ့်မယ်'
ဖူယိယွင်သည် လျို့ရွှီ၏ ခေါင်းကိုပုတ်လိုက်သည်။
"မင်းဒီမှာ လောလောဆယ်နေနိုင်ပါတယ်"ထို့နောက်သူက သူ့ဘီးတပ်ကုလားထိုင်ကို လှည့်ပြီး အခန်းပြင်သို့ထွက်သွားသည်။ သူမကို ဆက်ကြည့်နေရင် သည်းမခံနိုင်တော့မှာကို သူကြောက်သည်။ သို့ပေမယ့် သူမကို သတ်လိုက်တာက လွယ်လွယ်နဲ့ ခွင့်လွှတ်ပေးလိုက်သလိုပင်ဖြစ်ပေလိမ့်မည်။
ဖူယိယွင်၏နှလုံးသားက သူမအတွက် တစ်ဖန်ပျော့ပျောင်းသွားပြီဟု လျို့ရွှီ တွေးမိခဲ့သည်။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 13.36 END
Start from the beginning