အချိန်အတော်ကြာသည်အထိ နတ်ဆိုးဂိုဏ်းသည် အလွန်စည်ကားနေခဲ့ပြီး ဂိုဏ်းသားများက ငွေများစွာရေတွက်ရခြင်းကြောင့် လက်များပင် ထုံကျဉ်းနေကြသည်။ ဂိုဏ်းချုပ်၏ အမြောင်အမြင်ကြောင့် စည်းစိမ်ဥစ္စာ များများစားစား စုဆောင်းမိသွားပြီး အချိန်အတော်ကြာကြာ သုံးစွဲရန် အသားဖိုးအတွက် ငွေလုံလောက်သွားခဲ့သည်။
နတ်ဆိုးဂိုဏ်းက ပျော်ရွှင်နေကြပေမယ့် တခြားသူတွေက အခြေအနေသိပ်မကောင်းကြပေ။
အဖိုးတန်လက်နက်များကို အောင်မြင်စွာ လေလံဆွဲနိုင်ခဲ့ကြသူများမှာ အဆုံးဖြစ်သည်။ ပစ္စည်း၏မူလပိုင်ရှင်ကို သတိထားရရုံသာမက ၎င်းတို့ထက် အင်အားကြီးမားကြသူများကိုလည်း သတိထားရမည်ဖြစ်သည်။ သူတို့အတွက် သိုင်းလောကကြီးက လုံးဝမလုံခြုံတော့ပေ။အချိန်အတော်ကြာပြီးနောက်တွင်မှ သိုင်းလောကသားများသည် ရှီရှန်း ၏ လုပ်ရပ်နောက်ကွယ်တွင် ယုတ်မာသောရည်ရွယ်ချက်ရှိကြောင်း နားလည်သွားကြသည်။
......ပိုင်ဖုက နတ်ဆိုးဂိုဏ်း၏တောင်ခြေတွင် စခန်းချခဲ့ပြီး ပိုင်လော့ကို လာခေါ်ခဲ့သည်။
ပိုင်လော့၏ အတိတ်မေ့ခြင်းက ပြန်လည်ကောင်းမွန်လာမည့် လက္ခဏာမပြပေ။ သူမသည် ပိုင်ဖု နဲ့ တွေ့ဖူးပေမယ့် သူနဲ့ အတူ ထွက်သွားဖို့ ဆန္ဒမရှိခဲ့ချေ။ ယခုအချိန်တွင် သူမက နတ်ဆိုးဂိုဏ်းကို ပို၍ယုံကြည်လာပြီဖြစ်သည်။
ပိုင်ဖု မှာ သူမကို ဆက်လက်စောင့်ခေါ်ရန် အားလပ်ချိန် များများစားစား မရှိပဲ သူ့မှာ လုပ်စရာတွေ အများကြီး ကျန်နေသေးသည်။
ပိုင်လော့သည် နတ်ဆိုးဂိုဏ်းတွင် အမှန်ကောင်းကောင်းမွန်မွန်နေထိုင်နေကြောင်းတွေ့လိုက်ရသောအခါ ပိုင်ဖု သည် သူ၏ မာနကို မျိုချကာ ရှီရှန်းကို ငွေသေတ္တာကြီးများစွာကို ပေးပြီး ပိုင်လော့ ကို ပြုစုစောင့်ရှောက်ရန် အကူအညီတောင်းခဲ့သည်။သူက ရှီရှန်း ကို အနိုင်မယူနိုင်သောကြောင့်လာဘ်ထိုးရုံသာ တတ်နိုင်သည်။
ပိုင်လော့သည် နတ်ဆိုးဂိုဏ်း၏ အလှလေးအဖြစ် အမြဲတမ်း ဆက်ဆံခံရလေသည်။အိမ်ထောင်မကျသေးသော လူပျိုအဖွဲ့က ပိုင်လော့ကို နတ်ဘုရားမကဲ့သို့ ကိုးကွယ်ပြီး မည်သူမှ သူမကို နှောင့်ယှက်ရန် ခွင့်မပြုပေ။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 13.34
Start from the beginning