ကျန့်ကျန်းသည် ခဏစိတ်လောမှုကြောင့် ကြိုးစားထားသမျှအားလုံးကို စွန့်လွှတ်မှာကြောင့် အကောင်းဆုံးဖြောင်းဖြပြီး နောက်ဆုံးတွင် ဆွဲဆောင်နိုင်ခဲ့သည်။
ကျန့်ကျန်း၏အမူအရာလည်း အနည်းငယ် သက်သာသွားတော့သည်။ သူ၏ ကျင့်ကြံဆင့်သည် နဝမအဆင့်ရောက်ရန်အတွက် နောက်ထပ်တစ်နှစ်ခွဲခန့်သာ စောင့်ရန်လိုတော့သည်။
ကျန့်ကျန်း၏ကျင့်ကြံဆင့်မျိုးသည် အစပိုင်းတွင် အလွန်အားနည်းပြီး အခြေခံအားဖြင့် အသုံးမဝင်ပေ။ ထို့ပြင် အခြားနည်းပညာများကိုလည်းတွဲဖက်လေ့ကျင့်၍မရ။
ကျန့်ကျန်းသည် ငယ်စဉ်ကတည်းက ဤလေ့ကျင့်စဥ်ကို လေ့ကျင့်ခဲ့သည်။ ဂိုဏ်းတစ်ခုလုံးကိုပါ လေ့ကျင့်ပေးချင်ပေမယ့် အဖြစ်အပျက်များက နောက်ကျသွားခဲ့ပြီ။ ထို့ကြောင့် သူသည် အံကြိတ်သည်းခံကာ မိမိ၏ကျင့်ကြံစဥ်တိုးတက်ရန် လျို့၀ှက်လုပ်ဆောင်နေရတော့၏။
န၀မအဆင့်ရောက်သည်နှင့် သဘာဝတရားကိုပါ အမိန့်ပေးနိုင်မည်ဟု ကောလဟာလများရှိသည်။
အမှန်မှာ နတ်ဆိုးဂိုဏ်းတွင်ပင် မည်သူမျှ နဝမအဆင့်သို့ မရောက်ဖူးကြချေ။ ကျန့်ကျန်းသာ ဤမျှကြာရှည်စွာ ခံနိုင်ရည်ရှိသော တစ်ဦးတည်းသောသူဖြစ်ပြီး အောင်မြင်မှုဆီသို့ နီးကပ်လာခဲ့သည်။
"၀ူကျန်း မင်း ဘာလုပ်နေတာလဲ!"
ဒီအော်သံကြောင့် ကျန့်ကျန်းလည်း သူ့အတွေးတွေထဲက လွတ်မြောက်လာခဲ့ပြီး ဆူညံသံများဆီသို့ လှမ်းမျှော်ကြည့်လိုက်မိသည်။
ရှီရှန်းက တစ်စုံတစ်ဦးထံသို့ သူမ၏ဓားကိုရွယ်လိုက်သည်နှင့် လူအုပ်ကြီးက အလန့်တကြား ဆုတ်ခွာပြေးကြပြီး ချော်လဲကာ တောင်ပေါ်မှ ပြုတ်ကျကုန်ကြသည်။
"ငါ့အပြစ်မဟုတ်ဘူးနော် သူတို့ဘာသာ ပြုတ်ကျသွားတာ" ရှီရှန်းက ပုခုံးတွန့်ကာ အမှန်တကယ်ပင် အပြစ်ကင်းစင်သယောင် ပြောလိုက်သည်။
'မင်း သူ့ကို မတိုက်ခိုက်ရင် ဘယ်လိုလုပ် ပြုတ်ကျမလဲ'
"သတ်!"
ΔΙΑΒΑΖΕΙΣ
ရှီရှန်း ( ႐ွီ႐ွန္း) Book 3 Arc 11 to....
Φαντασίαςရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 13.27
Ξεκινήστε από την αρχή
