ထင်ဖုန်းက အခြေအနေကို ရှီရှန်းကို အမြန်ရှင်းပြသည်။
"သူတို့က ဒီနေရာကို ဘယ်လိုရှာတွေ့သွားကြမှန်း မသိပေမယ့် ဒုက္ခရောက်အောင် လုပ်နေကြတာလို့ ကျွန်တော်ထင်ပါတယ်"
ရှီရှန်းက အနည်းငယ် မျက်မှောင်ကြုတ်ကာ ကျန့်ကျန်းကို သူမနောက်ဆွဲခေါ်လိုက်သည်။
"သူတို့နဲ့ ဘာလို့အချိန်ဖြုန်းနေမှာလဲ တိုက်ခိုက်စမ်းပါ!"
ကျန့်ကျန်းလည်း ဆွံ့အသွားခဲ့သည်။
နတ်ဆိုးဂိုဏ်းသားများသည် အခြေအနေကို ကိုကြားသိပြီးနောက် ကျန့်ကျန်း၏အမိန့်ပေးချက်အရ အားလုံးစုဝေးခဲ့ကြပြီး လူစိမ်းရှစ်ယောက်ဆီသို့ ဝိုင်းအုံလာခဲ့ကြသည်။
"ဖီ! ဒီလူတွေက အလကားနေရင်း ပြသနာလာရှာနေကြတာပဲ"
"လူ့အရေခွံခြုံထားတဲ့ မကောင်းဆိုး၀ါးကောင်တွေ!"
"ဂိုဏ်းချုပ်၊ ငါတို့ အခု ဘာလုပ်ရမလဲ"
လူအချို့က သူတို့၏တည်နေရာကို ရှာတွေ့သွားပြီးဖြစ်တာကြောင့် အခြားသူတွေလည်း လိုက်လာကြတာတော့မှာ သေချာသလောက်ပင်ဖြစ်သည်။
ရှီရှန်းက သူ့ဓားကို မြှောက်လိုက်ပြီး ၀င့်၀ါစွာ ပြောလိုက်သည်။
"ဘာတွေကြောက်နေတာလဲ ဘယ်လောက်ပဲ လာလာ အကုန်လုံးကို သတ်ပစ်လိုက် !"
နတ်ဆိုးဂိုဏ်းသားများ "... "
'ဂိုဏ်းချုပ် ကျွန်တော်တို့ရဲ့ဒူးထောက်ခစားခြင်းကို လက်ခံပေးပါ'ကျန့်ကျန်းကတော့ ရှီရှန်းကိုကြည့်ကာ တစ်စုံတစ်ခုကို တွေးတောနေပုံရပြီး အေးစက်စက်ပုံစံဖြင့် ထွက်ခွာသွားခဲ့သည်။
ရှီရှန်းက သူ့ကို စိတ်ရှုပ်ထွေးစွာ ကြည့်လိုက်သည် ။
'ငါ နင့်ကို ဘာလုပ်မိလို့လဲ နင်က ဘာကိုစိတ်ကောက်ပြန်တာလဲ?!'
ရှီရှန်းသည် ပိုင်လော့နှင့် အနီရောင်ဝတ်အမျိုးသမီးဆီကို သွားသောအခါတွင် သူမတို့၂ဦးလုံး နိုးနေကြပြီဖြစ်သည်။အနီရောင်၀တ်အမျိုးသမီးက ကုတင်ပေါ်တွင် ထိုင်နေပြီး အတွေးများပျောက်ဆုံးနေပုံရသည်။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
Arc 13.26
Start from the beginning