دخلت للغرفه و سديت الباب و هنا تبدلت ملامحي البارده بدموع تعكس الآلم و الكسره اللي بقلبي والله ما استاهل كل هذا اني ليش هيج يصير ويايه ليش؟!!!
شلون قبلت اصلاً و شلون سمحت بهالشي؟!!
وين جان عقلي ياربي؟!!!___________
وقع هنا
على شنو اوقع؟!!
وقع و بدون نقاش لأن ماعندك غير خيارين و بس!!
لو توقع لو ادفن بحديقتكم جثه و تروح بيها انته و العائله الكريمه كلها شكلت؟!____________
يوم شتوي و الجو بارد و ممطر و اني دا امشي بطريق مااعرفه وين و وين موديني فجأه بنهاية الطريق شفت بئر و على حافة البئر طفل رضيع ملفوف ركضت عليه ملهوفه وصلت و شفت وجهه بجيت و ركضت عليه و اني اصيح .. حبيبي هاي انت؟! انت زين مابيك شي؟!!
_____________
هذا الكلب موته على ايدي اذا ما ذبحته اني فلا طالع من ظهر ابويه
يمعود كول ياالله افتهم السالفه بالأول
لك شأفتهم ماتكلي شأفتهم انت سمعت اللي كلته اني لو لا؟!! افتهمت شنو سوه؟! لك اني امنت بي و تالي هيج يطعني بظهري؟!
_____________
صح كبرو بس بعدهم محتفظين بملامحهم نفسها اللي جنت اصفن و اتمعن بيها و احجي ويا نفسي.. هذا شعرها الأحبه نفسه و هاي العيون اللي ما جنت اكدر اقاوم نظراتها اوووف اوووف من اللي حرمني منكم و فرقنا شيرجع هذيج الأيام شيرجع سنيني منو يعوضني عن اللي راح شنو ذنبي و شنو ذنبهم
_____________
ولكم لاااااااا لااااا مو هو لاااا ولك لا تكسر ظهري مو هيج الخوه مو هيج ولكم كولو مو هو جذذذذب لااا جذذذب مو هو
جانت هاي اخر كلمه كلتها بباب البيت و بعد ما كدرت اتوازن حسيت بغشاوه على عيوني و بعد مااتذكر شي وراهه
_______________
محلة نجيب باشا
اريد رأيكم بالمشاهد احفظوها بالمكتبه ان شاءالله قريباً اخلص كتابتها و انزلها بشكل يومي حتى لا انتو تتعبون بالأنتظار ولا اني اضغط على نفسي بالكتابه
القصه بيها اكثر من جيل و اكثر من ثنائي و بيها احداث اول مره تنذكر بقصه
اتمنى اتوفق بيها و اتمنى تنال استحسانكم و ان شاءالله اكون خفيفه عليكم
غلاف القصه من تصميمLilian-2002 شكراً الج ليليانا عالتصميم الرائع كلش حبيته
القاكم على خير🦋
دمتم بحفظ الرحمن🙏🏻
عطر الياسمين🌸🖤
أنت تقرأ
محلة نجيب باشا
General Fictionسندخل الى قلب بغداد لأحد ازقتها التي خبأت بين جدرانها عبق الماضي و سنطرق باب احد بيوتها في محلة نجيب باشا و نعيش تفاصيل حياتهم من جيل الى جيل