Bi De • Pan Yu Xin De Rui la ||Myanmar Translation|| - 51 - Page 2

YOU ARE READING

Bi De • Pan Yu Xin De Rui la ||Myanmar Translation||

Fantasy

It's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119

#chinesenovel #comedy #entertainment #industry #modern

51

Start from the beginning

by callme__kitty

IceDream အဖွဲ့သားတိုင်း လော့ယန်မြို့၊ ဟဲ့နန်ဒေသမှလာသည့် ရှဲ့ကျူရှင်းကို ဝိုင်းကြည့်မိတော့သည်။ ရှဲ့ကျူရှင်းလည်း အားကိုးရာမဲ့သည့်အပြုံးတစ်ခု ပြုံးပြလိုက်ရသည်။ သူ ပညာရေးအတွက်နှင့် သူ့မွေးရပ်ဒေသကို စွန့်ခွါလာတာ နှစ်ပေါင်းများစွာကြာလှပြီဖြစ်ပြီး ပေ့ကျင်းတွင်နေလာသည့်ကာလအတွင်း လူပေါင်းစုံရဲ့ သူ့မွေးရပ်မြေကို အခြေခံပြီး ခွဲခြားဆက်ဆံမှုမျိုးလုပ်တာကို အများကြီးမြင်ဖူး၊ ကြုံဖူးပြီးသားပင်။

သူတို့ခေါင်းဆောင်မျက်နှာထက်တွင်တော့ 'ဒေါသ' များက အထင်းသားပေါ်နေလေသည်။

အချို့သောမှတ်ချက်တွေက ဖန်သားထက်တွင် ပေါ်လာဖို့ မသင့်တော်လှ။ သို့နှင့် host ဖြစ်သူလည်း ထိုစကားလမ်းကြောင်းကို မဆက်တော့ဘဲ အခြားခေါင်းစဉ်တစ်ခု လွှဲပြောင်းဖို့လုပ်တော့သည်။ "နှစ်သစ်ကူးဆိုတာ အများဆုံးကျင်းပကြတဲ့ ရိုးရာပွဲတော်တစ်ခုဖြစ်ပြီး ငါတို့နိုင်ငံရဲ့ဒေသအသီးသီးက ဓလေ့ထုံးတမ်းတွေကလည်း အများကြီးရှိ ..."

"ကျွန်တော်ပြောပါဦးမယ်၊ ချန်လောင်ရှီး။ ခင်ဗျားက ဘယ်ကလဲ။" IceDream ခေါင်းဆောင် Leo Wang တစ်ယောက် သူ့အဖွဲ့သားများချုပ်ထားမှုကို လှုပ်ခါချရင်း အရှေ့သို့တစ်လှမ်းလှမ်း၍ အခန်းထဲရှိ တစ်ဖက်ကလူကို ခနဲ့သလိုအသံဖြင့်မေးလိုက်သည်။

ထို့နောက် ချန်လောင်ရှီးမှ ပြန်ဖြေလာသည်။ "ငါက သုန့်ပေက။" (အရှေ့မြောက်ပိုင်းသား)

ဝမ်ချောင် အစောပိုင်းကတည်းက သူ့သုန့်ပေလေသံကို ဖမ်းမိနေခဲ့တာဖြစ်သည်။ "ကျွန်တော်ကြားတာတော့ သုန့်ပေလူမျိုးတွေက လူ့ကျင့်ဝတ်ကို မသိကြဘူး။ ထူးပြီးတော်နေတာမျိုးလည်း မရှိဘူး၊ သူများထက် ပိုကောင်းနေတာဆိုလို့ အတင်းတုတ်နိုင်တဲ့စွမ်းရည်ပဲရှိတယ်တဲ့။"

ချန်မျိုးရိုးရှိသည့်သရုပ်ဆောင်ဖြစ်သူမှာ သူ့သုန့်ပေလေသံကို ကြားလိုက်ရပေမယ့် ခဏမျှကြောင်အသွားပြီး သူနှင့်ဒေသတူသုန့်ပေကောင်လေး ဘာပြောသွားတယ်ဆိုတာကို သိပ်နားမလည်လိုက်။

Host ဖြစ်သူလည်း နားမကြားသလိုဟန်ဆောင်ရင်း ဆက်ပြောတော့သည်။ "ဒါဆို ငါတို့တွေ နိုင်ငံတွင်း နွေဦးပွဲတော်ကို ဘယ်လိုကျင်းပကြသလဲဆိုတာ ဆက်ကြည့်ကြရအောင်။"