"သားလေး ခွေးအမွေးတွေ ပါးစပ်ထဲဝင်မယ်လေ၊မကိုင်ရဘူးနော် သား"
"အင့်....ဟင့် နိုး နိုး..."
"ဘာကို နိုးနိုးလဲ သားရဲ့၊ သားဗိုက်ထဲကို အမွေးတွေဝင်ကုန်ရင် နာနာဖြစ်မှာပေါ့၊မကိုင်နဲ့တော့နော် သား
ဒိုဒို..ဘိုဘို သွားသွား အခန်းထဲ သွားနေကြ ကလေးတွေ""အီး...ဟင့် ဟင့်..နိုး ဒယ်ဒီ၊နိုး.."
မီးဖိုခန်းထဲဝင်ပြီး ကော်ဖီဖျော်နေစဉ် အိမ်ရှေ့ခန်းဆီက တိုက်ပွဲသံတွေကြောင့် ကောင်းဆက် ခေါင်းကိုသာ အသာရမ်းမိတော့သည်။
သားအဖနှစ်ယောက် အိမ်အလည်လာခါမှ အမြဲတိတ်ဆိတ်နေတဲ့ သူ့အခန်းလေးက ငိုသံ၊ချော့သံတွေနဲ့ ပွက်လောရိုက်တော့တာပင်။"ကောင်းဆက်...မင်း ကော်ဖီဖြစ်နေပြီလားကွာ၊ထွက်လာခဲ့ဦးဟ...မင်း သားနှစ်ကောင်ကို ခဏသိမ်းပေးဦး၊ ဒီမယ် ငါ့သားက တားလို့မရဘူး"
"ဘာတွေဖြစ်နေတာလဲ နွေဦးရာ...ဒိုဒိုနဲ့ဘိုဘိုက မနေ့ကမှ spaသွားထားတာ၊ဘယ်အမွေးမှလည်း မကျွတ်ဘူး၊မင်းကိုက ကဲသည်းနေတာ"
ကော်ဖီခွက်ကိုင်ပြီး အေးအေးလူလူထွက်လာသူကို ဆဲလိုက်ချင်ပေမယ့် သားရှိနေတာမို့ ဆဲချင်စိတ်တွေကို အောင့်အီးမြိုချလိုက်ရသည်။
ဒါကိုသိတဲ့ကောင်က စပ်ဖြဲဖြဲနဲ့ လူကိုပြုံးပြီး စိုက်ကြည့်နေတာ ဘာတတ်နိုင်သေးလဲ၊ဆဲလေဆိုတဲ့ပုံနဲ့။
လက်ထဲက သားကလည်း ဒိုဒိုနဲ့ဘိုဘိုကို မကိုင်ရလို့ တွန့်လိမ်ရင်းကို ငိုယိုဂျီတိုက်နေတော့တာ။
သူ့ဖေဖေနဲ့ဆို ပြောသမျှရသလောက် ကိုယ်နဲ့ဆို သားက လုပ်ချင်တာလုပ်ရမှ ဖြစ်နေလေပြီ။ဒီလူလည်ကောင်လေးက ဘယ်သူ့ကိုဘယ်လို နိုင်စားရမလဲဆိုတာ ကောင်းကောင်းသိနေတော့တာ။"အမွေးမကျွတ်ဘူးလို့ ရှိမလားကွ၊ သားက လက်နဲ့ကိုင်မိပြီး ဗ်ုက်ထဲရောက်သွားရင် ဘယ်လိုလုပ်မလဲ၊ခဏ အခန်းထဲ သွားပြန်ထည့်ထားစမ်းပါကွာ"
"အင့်...နိုး..ရေးကောင်း နိုး..ဒယ်ဒီ ဆိုး"
"အဟား...ဘေးဘေက မသိမ်းစေချင်ဘူးလား ဟုတ်လား သား
အေးပါ လေးကောင်းက မသိမ်းတော့ဘူး ဟုတ်ပလား၊မငိုနဲ့တော့ လာပါဦး လေးကောင်းဆီ"
YOU ARE READING
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomanceStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung