ဘော်ဒါမှာ စာသင်ပြီးချိန်သည် ည၈နာရီခန့်ဖြစ်သည်။
အရင်လို နေရာအနှံ့လိုက်မသင်ဖြစ်၊ဂိုက်မလုပ်ဖြစ်တော့ပေမယ့် အရင်းနှီးဆုံးဆရာနှစ်ယောက်ရဲ့ ကျူရှင်နှစ်ခုမှာတော့ အင်္ဂလိပ်စာသင်ပေးဖြစ်ပါသေးတယ်။ကိုယ်နေတဲ့လမ်းနဲ့ တစ်လမ်းကျော်မို့ အေးအေးဆေးဆေး လမ်းလျှောက်ပြီးသား ပြန်လာဖြစ်တော့တယ်။၈နာရီဆိုတာ လူငယ်တွေ ပျော်လို့ပါးလို့ကောင်းချိန်မို့ လမ်းဟာ လူပြတ်သည်မရှိ။လမ်းဘေးဆိုင်တိုင်းဟာ လူအပြည့်နဲ့ ဖြစ်နေသလို၊ဖြတ်သန်းသွားလာနေသူတွေဟာလည်း တလှုပ်လှုပ်နဲ့မို့ သက်ဝင်ပန်းချီကားတစ်ချပ်လိုပင်။ဖြည်းဖြည်းမှန်မှန်လျှောက်နေသော ခြေလှမ်းတို့ဟာ တိုက်ရှေ့အရောက် သော့ပိတ်ထားတဲ့ လှေခါးတံခါးနားမှာ ငုတ်တုပ်ထိုင်နေသူကြောင့် အံ့အားတသင့်နဲ့ ရပ်တန့်သွားရတယ်။
ခေါင်းငုံ့လျက် ဖုန်းကိုကြည့်နေသူဟာ ရပ်သွားတဲ့ခြေအစုံကြောင့်ထင် ခေါင်းကိုမော့လို့ကြည့်လာရင်း"အား ကိုကိုရောက်လာပြီပဲ...တော်သေးတယ်
ဒီနားက ခြင်တွေတအားကိုက်တာ၊ကြည့်ဦး ဒီမယ် လက်မောင်းတွေပါ ရဲနေပြီ သူတို့ကိုက်ထားကြတာ"လက်ပြတ်အင်္ကျီဝတ်ထားသူက သူ့လက်မောင်းကို ထိုးပြရင်း တိုင်တောနေပုံက ဘာပြသနာမှမဖြစ်ထားတဲ့လူတွေလို
မကြည်သလိုကြည့်ရင်း"ဘာကိစ္စနဲ့ ဒီရှေ့ရောက်နေရတာလဲ"
"ကိုကိုက မနေ့က ဘာမှပြန်ပြောမသွားဘူးလေ"
"ဘာကိုလဲ"
"ကျောင်းမွေးနေ့ပွဲကျရင် မောင်သီချင်းဆိုတာ နားထောင်မှာလားဆိုတာလေ၊ကိုကိုက ပြန်မှမဖြေသွားတာ၊ဆက်သွယ်ရအောင်လည်း ဖုန်းနံပါတ်မသိဘူးလေ၊အဲ့ဒါ အဖြေသိချင်လို့ music clubပြီးတော့ ဒီကိုလိုက်လာတာ
ကျောင်းမှာ မေးဖို့ကျ ကိုကို့ကို ဒီနေ့တစ်နေ့လုံး မတွေ့ဘူးလေ၊ main(ရန်ကုန်တက္ကသိုလ်)ဖက်ကို သွားနေတယ်ဆို"ကိုယ်ဘယ်သွားတယ်ကအစ ဒင်းက စုံစမ်းသိရှိနေပြန်ပြီ။ကိုယ်နဲ့ပတ်သက်သမျှ အကုန်သိအကုန်တတ်ဆရာကြီးလုပ်ပြီး အဖေလုပ်ချင်စိတ်က ဘယ်တော့မှ ပြောင်းသွားမှာမဟုတ်။
လာရတဲ့အကြောင်းပြချက်ကလည်း အံ့သြစရာ၊မနေ့ညကအဖြေကို သိချင်လို့ဆိုပဲ
အတော်လည်း အချိန်တွေပိုနေပုံပေါ်တဲ့ စောနွေဦးပါပဲ။
YOU ARE READING
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomanceStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung