ဧည့်ခံပွဲလုပ်မည့် June၂၁မတိုင်မီ လင်းထင်နဲ့နွေဦးတို့နှစ်ဦး ပုဂံကို ကြိုတင်ခရီးထွက်လာခဲ့ကြသည်။
ဧည့်ခံပွဲသို့လိုက်မည့်သူများကိုလည်း ကုန်ကျစားရိတ်အစအဆုံးကို စောနွေဦးတို့ဖက်ကသာ အားလုံးအကုန်အကျခံပြီး တာဝန်ယူခေါ်ဆောင်မှာမို့ စီးပွားရေးလောက အသိုင်းအဝိုင်း၏ စကားဝိုင်းများတွင်လည်း ထိုအကြောင်းအရာသည် မပါမဖြစ် အကြောင်းအရာအဖြစ် ပါလို့နေသည်။အမှန်အတိုင်းပြောရလျှင် ထိုသို့သော ကိန်းခမ်းကြီးလှသည့် ပွဲတွေ၊မြောက်များစွာသော ကုန်ကျစားရိတ်တို့သည် လင်းထင်ရောင်အတွက်တော့ မလိုအပ်သည့် အပိုဖြုန်းတီးမှုများသာ ဖြစ်သည်။
ဒီလိုကိစ္စမျိုးတွေကို သူသဘောမကျလှပါ။
သူ့စိတ်အတိုင်းဆို မိဘမဲ့ဂေဟာတွေနဲ့ လိုအပ်နေသည့် နေရာများတွင်သာ လှူဒါန်းလိုက်ချင်တာမျိုးဖြစ်သည်။
သို့သော် ရောမရောက်ရင် ရောမလို ကျင့်ရသည်ဆိုသလိုပင်၊သူရောက်နေသည့် အသိုင်းအဝိုင်းသည် အထက်တန်းလွှာ၊လူ့မလိုင်တို့ သီးသန့်စုဝေးရာ နေရာဖြစ်နေတော့လည်း အလိုက်သင့်နေရုံသာရှိသည်။
ဒါတောင် နွေဦးသည် သူ့အကြိုက်လိုက်ပြီး အင်းစိန်က ဂေဟာကိုလည်း မင်္ဂလာဦးအထိမ်းအမှတ်ဆိုပြီး အဆောက်အဦးတစ်ခုစာ ကူညီပေးခဲ့သလို တခြားနေရာတွေကိုလည်း ကူညီမှုတွေ လုပ်ခဲ့သေးသည်။
စားရင်ဝင်သူဌေးသားကို ပတ်သက်မိမှတော့ ငွေလမ်းခင်းသမျှကိုလည်း ထိုင်ကြည့်နေရုံသာရှိသည်။ဒီပွဲပြီးရင်တော့ ဒါမျိုးပွဲတွေ၊အပိုငွေကုန်ရခြင်းမျိုးတွေ ထပ်မရှိစေရဟု ကတိပေးထားသည်မို့လည်း လိုက်လျောပေးမိတာ ဖြစ်သည်။"မောင်....ဟိုတယ်က ဧည့်သည်တွေလည်းမရှိသလိုပဲ၊အသစ်ကြီးနော်"
ညောင်ဦးလေဆိပ်ကို လာကြိုသည့်ကားနှင့် ခရီးဆက်ခဲ့ကြပြီး တည်းမည့်ဟိုတယ်ရောက်သည့်အခါ သစ်လွင်နေသော ဟိုတယ်ကြီးကိုကြည့်ပြီး လင်းထင်ရောင် တအံ့တဩရေရွတ်မိသည်။
"ဟင်...အင်း အသစ်လေ၊ဆောက်ထားတာ သိပ်မကြာသေးဘူး၊ဖွင့်ပွဲတောင် မလုပ်ရသေးဘူး"
YOU ARE READING
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomanceStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung