"ပိုးကောင်...အပေါ်တက်လိုက်၊အောက်ဆင်းလိုက်နဲ့ ဘာတွေလုပ်နေတာလဲ"
"ဘာမှမလုပ်ပါဘူး ဒယ်ဒီရ၊ဒီတိုင်း ပျင်းလို့"
"အင်း...မနက်ဖြန် ဒယ်ဒီဘန်ကောက်သွားမယ်၊ဘာမှာဦးမလဲ"
"ထုံးစံအတိုင်း...legoပေါ့ ဟဲဟဲ"
"ဟော လုပ်ပြန်ပြီ...အရုပ်တွေပြုတ်စားမလို့လား၊ကလေးလည်းမဟုတ်ဘဲနဲ့"
လှေကားအဆင်းမှာ လက်ရန်းကိုမှီရင်း ဒယ်ဒီ့ကို အမှာစကားခြွေနေတုန်း၊မီးဖိုခန်းထဲကထွက်လာတဲ့ မာမီ့ရဲ့ အဖျက်စကားကြောင့် လူက မကျေမနပ်နဲ့ လှေကားရင်းမှာ ဆောင့်ကြောင့်ထိုင်ရင်း
"အာ မာမီကလည်း သားသဘောကျတာကို၊ပြီးတော့ legoက ကလေးတွေမှ ဆော့ရတာမှမဟုတ်တာ နော်ဒယ်ဒီ"
"မင်းအရင်ဝယ်ထားတာတွေပဲ ကုန်အောင်ဆက်ပါဦး ပိုးပိုးရယ်"
"မာမီနော် ပိုးပိုးလို့ မခေါ်တော့နဲ့လို့၊သားက ၁၅နှစ်ပြည့်ပြီ၊ အရွယ်ရောက်နေပါပြီဆို"
"ကိုရေ...ကို့သားက အရွယ်ရောက်နေပြီတဲ့၊ဘယ်အရွယ်လဲ မေးကြည့်ဦး"
"ဟားဟား..ဟား"
"အား...မာမီ"
ဒီလိုပဲ၊နှစ်ယောက်အတူရှိပြီဆို တက်ညီလက်ညီနဲ့ အစခံရတော့တာပဲ
လူကို လှောင်ရယ်နေတဲ့နှစ်ယောက်ကို မကျေမနပ်ကြည့်နေတုန်း အိမ်တံခါးပွင့်သံနဲ့အတူ မျက်လုံးရှေ့ ပေါ်လာတဲ့ အရိပ်ကလေး
အတိအကျပြောရရင် မကျေနပ်ကြောင်းတွေပြောပြီး စိတ်ကောက်ချင်နေတဲ့ အရိပ်ကလေး
မတ်လ၂၀ရက် ကျနော့်မွေးနေ့ပါလို့ ပြောထားပါလျက်နဲ့ စာတမ်းကိစ္စတွေကြောင့်ဆိုပြီး အိမ်မှာလုပ်တဲ့ပွဲလည်းမလာ
တွေ့ရနိုးနဲ့ မာမီနဲ့အတူ ဂေဟာလိုက်သွားပြီး အလှူလုပ်တော့လည်း သူမရှိ
သူ့စာတမ်းကိစ္စရော၊၁၀တန်းစာမေးပွဲကိစ္စရောကြောင့် ကျနော့်ဆီမလာတာလည်း ၁ပါတ်ကျော်ပြီလေ။ခုပဲ ဧပရယ်လအစရောက်နေပြီ။သိပ်ကို စိမ်းကားနိုင်တဲ့ သွေးအေးသတ္တဝါကိုကိုပါပဲ။
ဒီနေ့ လာမယ်ဆိုလို့ ဂနာမငြိမ်အမာစိန်ဖြစ်ပြီး အပေါ်တက်အောက်ဆင်းလုပ်နေမိတာလည်း ခဏခဏ၊ဒယ်ဒီတောင် မျက်စိနောက်ပြီး မေးယူရတဲ့အထိပဲလေ။
YOU ARE READING
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomanceStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung