စောနွေဦးရန်ဖြစ်လို့ ကျောင်းအုပ်ကြီးရုံးခန်းကို လာခဲ့ပါဆိုတဲ့ ဖုန်းလက်ခံရရှိမှုကြောင့် ဒေါ်သိင်္ဂီတစ်ယောက် ကျောင်းကို အပြေးအလွှားသွားရပြန်သည်။
ဒီရက်တွေမှာ သားဟာ မြင်မြင်ရာဒေါသထွက်၊ရန်လိုနေတဲ့ပုံပေါက်နေတာကို သတိထားမိနေတာမို့ ကျောင်းမှာ ဘာတွေလုပ်ပစ်ပြန်ပြီလဲဆိုတဲ့ အတွေးက မိခင်တစ်ယောက်အတွက် ရင်ပူစေတာအမှန်။
လင်းထင်ကလည်း သတ်မှတ်ရက်ထက် စောစီးစွာ နိုင်ငံခြားထွက်သွားတယ်လို့ ဂေဟာက စစ်စတာကြီးတွေ ပြောစကားအရ သိရပြီး ကျန်တာဘာမှမသိရ။
ကိုယ်တွေကိုတောင် နှုတ်မဆက်ဘဲ ထွက်သွားတာမို့ အဲ့နေ့က သားနဲ့လင်းထင်အခြေအနေဟာ တော်တော်ဆိုးသွားမှန်း သိလိုက်ပါတယ်။ပြသနာတွေဖြစ်တဲ့နေ့ကတည်းက ဖျားနေတဲ့ သားတော်မောင်ဟာ ကျောင်းမတက်နိုင်တာ တစ်ပါတ်နီးပါး
ဒီနေ့ ကျောင်းပြန်တက်ရပြီး တက်တက်ချင်း တိုင်ကြားသံကြားရတော့တာပဲ။လင်းထင်ထွက်သွားပြီဆိုတာ သိကတည်းက ဒီကောင်လေး စိတ်တိုလွယ်၊ဒေါသထွက်လွယ်ဖြစ်နေတာမို့ ခုလည်း ထိုကိစ္စနဲ့ ပတ်သက်နေလေသလားပါပဲလို့ တွေးမိတော့ ရင်ပူရပြန်တယ်။၁၆နှစ်ဆိုတဲ့အရွယ်က စိတ်ထင်ရာ အကုန်လုပ်တတ်ကြတဲ့၊ထိန်းရခက်တဲ့ အရွယ််တွေပဲလေ။"ဒေါ်သိင်္ဂီတို့ကို ဒီလိုကိစ္စတွေနဲ့ ခေါ်တွေ့ရတာ အားနာပေမယ့် ကျောင်းစည်းကမ်းဆိုတာကလည်း ရှိသေးတယ်ဗျ
အရင့်အရင်လူတွေတုန်းက အပြစ်ပေးခဲ့ပြီး သူတို့ကျမှ လွှတ်ပေးလိုက်တယ်ဆိုရင် ကျောင်းရဲ့စည်းကမ်းတွေက မြောင်းထဲရောက်သလိုဖြစ်တော့မှာ
ဒါကြောင့် ဒီလိုအပြစ်ပေးရတာကို လက်ခံနားလည်ပေးစေချင်ပါတယ်"ဒီစာသင်နှစ်အတွက် ကျောင်းကထုတ်ပယ်လိုက်သည်ဆိုတဲ့ အပြစ်က ကျေနပ်လက်ခံချင်စရာမဟုတ်ပေမယ့် စုတ်ပြတ်သတ်နေတဲ့ ခန့်မင်းမျက်နှာရယ်၊ဖူးယောင်ချင်နေတဲ့ ကိုယ့်သားရယ်ကို ကြည့်ပြီး သက်ပြင်းသာချမိတော့တယ်။
လူမိုက်ဆန်ထားလိုက်ကြတာများ အဖြူနဲ့အစိမ်းမှ အားမနာကြ။
YOU ARE READING
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomanceStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung