"သား လင်းထင် အားလုံးစိတ်တိုင်းကျရဲ့လား သားလေး"
"ဟုတ်ကဲ့ အန်တီ...ပြေပါတယ်၊ စိတ်တိုင်းကျလုပ်ပေးလို့ ကျေးဇူးပါဗျ"
"အေးအေး ရတယ်သား၊ဒါဆို အန်တီပြန်ဦးမယ်၊နားဦးကွယ် ဟုတ်ပလား"
"ဟုတ်ကဲ့ အန်တီ"
အိမ်ပွဲစားအန်တီပြန်သွားမှ တစ်ယောက်ထဲ စိတ်လွတ်ကိုယ်လွတ်နေရမယ့် တိုက်ခန်းအနေအထားကို သေချာလိုက်ကြည့်မိတယ်။
ပြန်မလာခင်တစ်လလောက်ကတည်းက တိုက်ခန်းကိုလချုပ်ငှားပြီး သပ်သပ်ရပ်ရပ်ဖြစ်စေဖို့ ဘော်ဒါအုပ် ဆရာ့အကူအညီနဲ့ ကြိုစီစဥ်ခဲ့တာပါ။ဆရာက သူ့ဘော်ဒါမှာပဲနေဖို့ ပြောပေမယ့် ကိုယ်တိုင်သီးသန့်နေရတာကိုသာ ပိုလိုချင်တော့တာမို့ တစ်ယောက်ထဲပဲ နေဖို့ စီစဥ်ခဲ့တယ်။
ဘော်ဒါနဲ့လည်း တစ်လမ်းကျော်ပဲမို့ စာသွားသင်ရလည်းအဆင်ပြေ၊ကျောင်းသွားဖို့လည်း အဆင်ပြေပြေရှိပါတယ်။အိပ်ခန်းတစ်ခန်းစာကို မကျဥ်းမကျယ် သပ်သပ်ရပ်ရပ်လေး ဖွဲ့စည်းထားပြီး ကျန်တာကိုတော့ ဧည့်ခန်းအဖြစ်သာ ထားထားပါတယ်။ထပ်ခိုးအဖြစ်ပါတဲ့ အထပ်လေးမှာတော့ ဘုရားစင်ပါရှိတာမို့ အားလုံးဟာ နေသားတကျ အဆင်ပြေပြေပါပဲ။တံခါးဖွင့်ဖွင့်ချင်း ဝရံတာမှာတော့ အပင်လေးတွေချိတ်ဖို့၊စိုက်ဖို့ စိတ်ကူးထားတယ်။ဒါကိုတော့ တဖြည်းဖြည်းချင်း အကောင်အထည်ဖော်ရမှာပေါ့။ဒီနေ့ရောက်ပေမယ့် နောက်ရက်ဆို ကျောင်းကိုက သွားရပြန်ပါဦးမယ်။ပိတ်ရက်အေးဆေးမှပဲ ဂေဟာကိုသွားဖို့၊ဂေဟာမှူးနဲ့ ကလေးတွေကို နှုတ်ဆက်ဖို့ စိတ်ကူးလိုက်မိတယ်။ကျနော်ပြန်ရောက််တာကို ခုထိ ဂေဟာမှူးတို့ မသိကြသေး၊ဘယ်သူနဲ့မှ အဆက်အသွယ်မလုပ်ဖြစ်တာကြောင့်လည်း ပါမယ်ထင်။ဝရံတာကနေ အပြင်ကိုငေးကြည့်နေစဥ် ဖြတ်သွားကြတဲ့ အဖြူအစိမ်းဝတ်ကျောင်းသားလေးတွေ
ပုဆိုးကို ခြေမျက်စိအတိဝတ်တတ်ပြီး ကျောပိုးအိတ်ကို ဟန်ပါပါလွယ်တတ်တဲ့သူကို ဖြတ်ခနဲပြေးမြင်မိတော့ နှုတ်ခမ်းတို့ကို တင်းတင်းစေ့လိုက်မိတယ်။
ဒီနှစ်တွေမှာ ကိုယ်တိုင်လည်း ခြေရာဖျောက်ခဲ့ပေမယ့် တစ်ခါမှထပ်မတွေ့ရတဲ့သူကို အံ့သြမိတာလည်း အမှန်ပါ။သူသာစိတ်ရှိရင် ဘာမဆိုစုံစမ်းနိုင်တဲ့ အစွမ်းရှိတာမျိုးမဟုတ်လား။ခဏတာစိတ်ကစားမှုမှာ ကိုယ့်ကိုထင်သလိုလုပ်သွားတဲ့သူလည်း ခုလောက်ဆို တက္ကသိုလ်ကျောင်းသားကြီး ဖြစ်နေလောက်ပြီပေါ့။ဘယ်လိုပဲဖြစ်ဖြစ် ပြန်မတွေ့ရတော့တာ အကောင်းဆုံးပါပဲ။ဂေဟာကိုရောက်ဖြစ်ရင်တော့ သေချာပေါက် သူဌေးကတော်တို့အကြောင်းတွေ ကြားရဦးမယ်ထင်။ရုတ်တရက်ထွက်သွားခဲ့တာမို့ အန်တီသိင်္ဂီ့ကို ပြန်သာတွေ့ဖြစ်ရင် သေချာပေါက် မျက်နှာပူအားနာနေရမှာအမှန်။
••••••••••••••
YOU ARE READING
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomanceStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung