အချိန်ကား 2012ခုနှစ်၊ဒီဇင်ဘာလဖြစ်ပြီး တက္ကသိုလ်ဝင်တန်းကျောင်းသာတွေရဲ့ နှစ်ဝက်စာမေးပွဲ ဖြေဆိုပြီးချိန်ဖြစ်သည်။
စာမေးပွဲမေးခွန်းရဲ့ အဖြေတွေကိုတိုက်ပြီးနောက် စိတ်တိုင်းကျတာထက် ပိုသည်အထိ ဖြေနိုင်ခဲ့တဲ့ စောနွေဦးကို သူ့ဆန္ဒအတိုင်း သူတောင်းတဲ့ လက်ဆောင် ပေးရဖို့ရှိသည်။
မဖြေခင်ကတည်းက ဘာသာရပ်တိုင်း ၇၅မှတ်နဲ့အထက်ရလျှင် ဒီဇင်ဘာပိတ်ရက်မှာ သူနဲ့အတူ ပုဂံကို ခရီးထွက်ရပါမည်ဟု ကတိတောင်းသော စောနွေဦးဟာ အခုတော့ သူ့ဆန္ဒတွေ ပြည့်ဝတော့မှာမို့ မိုးမမြင်လေမမြင်ပျော်မြူးနေလေပြီ။ကိုယ့်ကျောင်းဟာလည်း ဖွင့်နေပြီမို့ ပိတ်ရက်ဖြစ်တဲ့ စနေ၊တနင်္ဂနွေနှစ်ရက်ကို အချိန်ပေးဖို့ ဖြစ်လာတဲ့အခါ ပြန်လာမှ အစားဝင်ပေးပါမည်ဟု အားနာစွာပဲ ခန့်မင်းကို ခွင့်တိုင်ရပြန်သည်။
စောနွေဦးဟာပဲ ပြောသမျှဖြစ်စေဆုတောင်းနဲ့ ပြည့်စုံနေလေသလားမသိ၊သူ့ဆန္ဒတွေပြည့်ဝဖို့ ကိုယ့်မှာ စာသင်တာတွေပါ ဖျက်နေရလေပြီ။
တကယ်တော့ ကိုယ့်ကတိနဲ့ကိုယ်မို့သာ မငြင်းနိုင်တဲ့ အခြေအနေတွေ ဖြစ်ကုန်ရတာပါ။ကိုယ်တိုင်လည်း စိတ်ပြေလက်ပျောက် ခရီးထွက်ချင်တာလည်း ပါမည်ထင်။
••••"ဟဲလို ကိုကို....မောင်တို့ လှည်းတန်းမီးပွိုင့်ရောက်နေပြီ"
"အင်း....ငါအဆင်သင့်ဖြစ်နေပြီ၊အပြင်တံခါးရှေ့မှာ ထွက်စောင့်နေရတော့မလား"
"မစောင့်ပါနဲ့ ကိုကိုရဲ့...ရောက်ရင် မောင် ဖုန်းဆက်မယ်၊အဲ့ကျမှ ထွက်ခဲ့နော်၊အပြင်ထွက်မစောင့်နဲ့"
"အေးပါ၊အဲ့ဒါဆို ရောက်ရင် ဖုန်းဆက်လိုက်နော်"
ကြာလွန်းလှတဲ့ မီးပွိုင့်ဟာ ဒီနေ့မှ ပို၍ပင်ကြာရှည်နေသယောင်
စက္ကန့်မိနစ်တွေများ ပိုတိုးထားလေသလား
ကိုကိုနဲ့အတူ ခရီးသွားရဖို့ ဘယ်လောက်တောင် အကြံထုတ်၊ကြိုးစားခဲ့ရလဲလေ
အမေးအမြန်းထူမှုအရ သိရတာတစ်ခုက ကိုကိုဟာ မြန်မာလူမျိူးပီပီ ပုဂံကို သဘောကျမြတ််နိုးပါသတဲ့။
ကျနော်ဟာလည်း ကိုကို့လက်ကိုဆွဲရင်း ပုဂံအနှံ့အမှတ်တရဖန်တီးချင်သူမို့ အစမ်းစာမေးပွဲမှာ allDထွက်တဲ့ဆုအဖြစ် တောင်းဆိုမှုက ပုဂံကို နှစ်ယောက်အတူတူသွားဖို့ပါပဲ။
အစပိုင်းမှာ လက်မခံချင်တဲ့ ကိုကိုဟာ သူ့ကတိစကားနဲ့သူမို့ ဘာမှမတတ်နိုင်တဲ့အခါ ကျနော့် သဘောဖြစ်လိုက်ရတာပါပဲ။
လေယာဥ်လက်မှတ်အစ၊တည်းဖို့ဟော်တယ်အလယ်၊လည်ပတ်မယ့်ခရီးစဥ်အဆုံး ကြိုတွေးထားပြီး ကျနော့်စိတ်တိုင်းကျ မာမီက စီစဥ်ပေးထားတာမို့ အားလုံးက ချောမွေ့ပြီး အစီအစဥ်တကျပါပဲ။
DU LIEST GERADE
နွေဦးလေပြည် ချစ်သက်သေတည်(ေႏြဦးေလျပည္ ခ်စ္သက္ေသတည္)(Completed)
RomantikStart Date:March 20,2022 End Date :September20,2022 A beautiful love story between two boys,called Saw Nway Oo and Linn Htin Yaung