“ ငါသာ ဇီဇာမကြောင်ရင် မင်းက လာပါ့မလား။ ” ရွှီဟုန်က ရှန်ယန်လက်ကို ပုတ်ထုတ်၏။ သူတို့နှစ်ယောက်က ဆက်ဆံရေးကောင်းကြပုံ ပေါ်၏။
ရွှီဟုန်က ဇာတ်ညွှန်းဆရာ ပြင်ထားသော ဇာတ်ညွှန်းကို ရွယ်ရှန့်၊ ကျယ်ယန်နှင့် လောင်ရှို့ယူတို့အား မပေးမီ အသေးစိတ်အခြေအနေများကို ပြောပြ၏။ “ ဒါက ဇာတ်ညွှန်း။ တီထွင်ဖန်တီးမှု အကြံဉာဏ်တွေကို တရားဝင်စမဆွေးနွေးကြခင် ဇာတ်ညွှန်းကို သေချာဖတ်ကြည့်စေချင်တယ်။ ဖြစ်နိုင်ရင် စတူဒီယိုကိုလာပြီး ရိုက်ကွင်းကို လာကြည့်တာ အကောင်းဆုံးပေါ့။ ကျယ်ယန် ”
ကျယ်ယန်ကို ရုတ်တရက် အခေါ်ခံလိုက်ရ၍ စားပွဲကလူအားလုံးက ကျယ်ယန်အား လှမ်းကြည့်လာကြသည်။ ကျယ်ယန် ရွှီဟုန်ကို ကြည့်လိုက်၏။
ရွှီဟုန်က သူ့ကို ပြောလာ၏။ “ မင်းရေးထားသမျှ ပြင်ထားသမျှ သီချင်းတွေအားလုံးကို ငါ နားထောင်ပြီးပြီ။ မင်းမှာ စတိုင်မျိုးစုံရှိတယ်။ ထုံကျန်းအတွက်သီချင်းက ထုံကျန်းအသံနဲ့ အရမ်းလိုက်တယ်။ မင်းအတွက်ရေးတဲ့ သီချင်းကလည်း မင်းအသံနဲ့ လိုက်နေပြန်ရော။ ကျီဇယ့်ဟွေ့အတွက်ပြင်ပေးတဲ့ သီချင်းကလည်း ပုံစံတစ်မျိုးလေး။ ဒီမှာ ရှန်ယန်။ မင်း သူ့ကို အကဲဖြတ်ရမှာဆိုပေမဲ့လို့ သူနဲ့သင့်တော်လိုက်ဖက်မယ့်အပြင် ဇာတ်ကောင်ရဲ့ စိတ်နေစိတ်ထားကိုပါ အတတ်နိုင်ဆုံး ဖော်ပြနိုင်မယ့် သီချင်းမျိုးကို မင်းကိုရေးပေးစေချင်တယ်။ နားလည်မလားပဲ။ ”
ထိုစကားတွေထွက်လာတာနှင့် ကျယ့်ယန့်ဘေးက ရွယ်ရှန့်၏ မျက်နှာက ကြည့်ရဆိုးသွား၏။
သီချင်းရေးဖို့ လူနှစ်ယောက်ခေါ်ထားပေမဲ့ တစ်ယောက်တည်းကိုပဲ သရုပ်ဆောင်ကို အကဲဖြတ်ခိုင်းနေသည်လေ။ ဒါ သူ့မျက်နှာကို ဖြတ်ရိုက်လိုက်တာမဟုတ်ပါလား။ လက်ထောက်ဒါရိုက်တာက ရွှီဟုန်ကို ကပျာကယာ လှမ်းဆွဲလိုက်၏။
ထိုသို့မှ ရွှီဟုန်သည် ကျယ်ယန်တစ်ယောက်တည်းကို ရည်ညွှန်းပြောဆိုနေသော သူ့လုပ်ရပ်က အတော်လေးမသင့်တော်ကြောင်း သိသွား၏။ သူက ရွယ်ရှန့်ဘက်ကိုပါကြည့်ရင်း ပြောလိုက်၏။ “ အမှန်တော့ ရွယ်ရှန့်လည်း အတူတူပဲပေါ့ကွာ။ အားလုံး အတူတူပူးပေါင်းပြီး အလုပ်လုပ်သင့်တာပေါ့။ ရှို့ယူ ငါ မင်းကို တေးသွားအပိုင်း လက်လွှဲလိုက်ပြီနော်။ ”
Chapter 50
Start from the beginning
