Unicode
အခန်း ( ၁၉ )ကျယ်ယန် ကြက်စွပ်ပြုတ်တစ်အိုးလောင်းချပြီးနောက် အားလုံး တက်ကြွလန်းဆန်းသွားကြသည်။
ခယ့်လန် : သူမှန်တယ်။ IUD က မပြိုကွဲသေးဘူး။
ရွှီချန်ဟောင် : ဟုတ်တယ်။
ထုံကျန်းတစ်ယောက်တည်းသာ ဆိုလိုရင်းကနေ လွဲချော်နေခဲ့၏ : သီချင်းအသစ် အသံသွင်းမှာလား။ ဘယ်တော့လဲ။ ဘာလို့ ငါက မသိရတာလဲ။ စီစဥ်ခါစပဲရှိသေးတာ မဟုတ်ဘူးလား။ စာသားနဲ့ ခေါင်းစဥ်လည်း မထုတ်ရသေးဘူးလေ။
အားလုံး , “……”
group ထဲက လေထုက ချက်ချင်းသာယာသွားကာ ခယ့်လန်မှ voice မက်ဆေ့နှစ်စောင် ပို့ပေးလာ၏။
“ စာသားတွေလည်းပြီးလို့ သီချင်းခေါင်းစဥ်တောင် အတည်ပြုပြီးသွားပြီ။ သီချင်းကို IUD လို့ ပေးထားတယ်လေ။ ”
“ ‘IUD’အယ်လ်ဘမ်ကြောင့် အောင်မြင်ခဲ့သလို ‘IUD´ သီချင်းနဲ့ပဲ အဆုံးသတ်ကြမယ်။ အားလုံးပဲ အတူတူအားပေးကြရအောင်။ ”
တအင်္ဂမျှ အသံတိတ်သွားကြ၏။
ထုံကျန်း : လုပ်ကြစို့ !!
ရွှီချန်ဟောင် : လုပ်လိုက်ကြစို့
ဟူပျောင်း : လုပ်ကြတာပေါ့ !
ကျယ်ယန်လည်း ပြုံးရယ်ရင်း အားပေးလိုက်သည်။ သူ စိတ်ပျော်နေကာ ချိုးရှင်းကို မနေနိုင်မထိုင်နိုင် WeChatကနေ စာပို့လိုက်၏။ : ခင်ဗျား ဘယ်တော့ပြန်လာမှာလဲ။ ရှိုးလာကြည့်လှည့်ဗျာ။
ချိုးရှင်းက စက္ကန့်ပိုင်းအတွင်း စာပြန်လာသည် : အခု
ကျယ်ယန် မှင်သက်သွားပေမယ့် ဆိုလိုရင်းကို အမြန်သဘောပေါက်သွား၏။ သူ အခန်းအပြင်သို့ထထွက်ပြီး ဝရံတာမှနေကာ အပန်းဖြေအိမ်ဝင်ပေါက်ရှိရာသို့ လှမ်းမျှော်ကြည့်လိုက်သည်။
စက္ကန့်အတော်ကြာတော့ ကားရှေ့မီးရောင်များက ညအမှောင်ကို ဖောက်ထွင်းထွက်လာသည်။ တံခါးမကြီးနှစ်ချပ်က ပွင့်သွားပြီး ရင်းနှီးကျွမ်းဝင်နေသော ကားအနက်တစ်စီးမောင်းဝင်လာကာ ဗီလာရှိရာသို့ ဦးတည်လာသည်။