Unicode
အခန်း ( ၄၁ )
ကျီဇယ်ဟွေ့က ကျယ်ယန့်ကို သည်လိုအခက်တွေ့စေသော ကိစ္စများကို ဘာ့ကြောင့်လုပ်ရသလဲ၊ ဒေါသလှိုင်းများသီချင်းရမှတ်က အရမ်းနိမ့်နေရတာ ဘာကြောင့်လဲဆိုသော မေးခွန်းများတော့ ရှိနေခဲ့၏။ ကွန်မန့်များက Weibo ပေါ်တွင် အလျင်အမြန်ပျံ့နှံ့သွားကာ ပရိဂရမ်နှင့် ပတ်သက်သမျှ ခေါင်းစဥ်မျိုးစုံသည် ရှာဖွေမှုအများဆုံးစာရင်းသို့ ဝင်သွား၏။ နားပါးသော အဘိုးကြီး၏ Weibo ပို့စ်နှစ်ခုမှာလည်း လူကြိုက်များဆုံးစာရင်းဝင်ကာ ချီးကျူးခံရလျက်ရှိပြီး အမျိုးစုံကြိုးခုန်သော အတင်းအဖျင်း ကောလာဟလများသည်လည်း တစ်ခုပြီးတစ်ခုကို ထွက်ပေါ်လာတော့သည် …
ဒီညတော့ Weibo ကို ငြိမ်အောင်မလုပ်တော့ဘဲ ကံဆိုးမိုးမှောင်ကျလျက်ရှိပြီ။
***
ဟူပျောင်းဆီက အနှိုးခံရသည့် ဖြစ်ရပ်အပြီးကတည်းက ကျယ်ယန်သည် သူအိပ်တိုင်း ဖုန်းပိတ်ပြီးမှ အိပ်တာကို သဘောခွေ့သွား၏။ နောက်တစ်ရက် ကျယ်ယန် အိပ်ရာစောစောနိုးလာပြီး သူ့ဖုန်းကိုဖွင့်လိုက်ရာ ကျီဇယ့်ဟွေ့တစ်ယောက် Weibo မှာ အကြိမ်ရာချီ ထောင်ချီ ကျိန်ဆဲခံရထားရတာကို တွေ့ရ၏။
ကျီဇယ့်ဟွေ့ကလည်း အသံစူးစူးပြာပြာကြီးဖြင့် ဆိုလာသည်။ “ မင်း ဒါကို တမင်လုပ်လိုက်တာမလား။ ဒီနေ့ညတင် ငါ ဖန်ဘယ်လောက်ဆုံးရှုံးလိုက်ရလဲ။ hot search ထဲကနေ ငါ့နာမည်ကို ဖယ်ဖို့ ငွေဘယ်လောက်သုံးလိုက်ရလဲဆိုတာ မင်းသိရဲ့လား။ ”
“ ခင်ဗျားကို ကြာကြာအမှတ်ရနေစေဖို့ ပိုက်ဆံနည်းနည်းလောက်တော့ ကုန်ဖို့လိုမှာပေါ့။ နားလည်နေ တတ်နေရင်လည်း ထိပ်ရောက်နေတဲ့ ခင်ဗျားကိုယ်ခင်ဗျား ဆွဲချတဲ့ ဒီလိုလုပ်ရပ်မျိုးတွေ မလုပ်နဲ့ပေါ့ဗျာ။ ” ကျယ်ယန် ထမင်းစားပွဲသို့ သွားထိုင်လိုက်၏။ “ hot search တွေကို ဆွဲမချနဲ့တော့။ အသံသွင်းစတူဒီယိုနဲ့ တီးဝိုင်းကို သွားပြင်ချည်။ ဒီနေ့ လုပ်စရာတွေအကုန်ပြီးစီးရင် နွေဆောင်းဦးညီဓား တရားဝင်ပြန်ပြင်ဗားရှင်းကို အသံသွင်းဖို့ ခင်ဗျားဆီလာခဲ့မယ်။ ပြီးရင် ခင်ဗျားက အဲ့ဒါကို Weibo မှာ တင်လိုက်ပေါ့။ ကျွန်တော်ကလည်း ခင်ဗျားအတွက် စကားကောင်းကောင်းမွန်မွန်လေးတွေ နည်းနည်းပါးပါး ပြောပေးပါ့မယ်။ ပုံမှန်ဆို ဒီလိုကောလာဟလသတင်းဆိုးဂယက်မျိုးကို ခင်ဗျား ကျော်ဖြတ်နိုင်မှာပါ။ ”
