ကျီဇယ့်ဟွေ့ကတော့ မယုံပါ။ “ လွယ်လှချည်လား။ ”
“ လွယ်လွယ်ပဲလေ။ ပရိသတ်တွေနဲ့ အသုံးပြုသူတွေက လူသစ်လေးကို အနိုင်ကျင့်တဲ့အတွက် ခင်ဗျားကို လတ်တလော ဆူဆဲပြီး ခင်ဗျားရဲ့ စွမ်းရည်ကို မေးခွန်းထုတ်နေကြတယ်။ အနိုင်ကျင့်တဲ့ကိစ္စအတွက် ကျွန်တော် ခင်ဗျားဘက်က နည်းနည်းလောက်ကူပြောလိုက်ရုံနဲ့ ဖြေရှင်းပေးလိုက်လို့ရတယ်။ ကျန်တဲ့ကိစ္စကိုလည်း ဖြစ်ပြီးတာတွေကို ကျော်ဖြတ်နိုင်မယ့် သီချင်းတစ်ပုဒ်ဆိုပြီး ရှင်းလို့ရမယ်။ ဒါ့ကြောင့် အိပ်ရေးဝဝအိပ်ပြီး ခင်ဗျားအသံကို ဥထား။ နွေဆောင်းဦးညီဓားအသံသွင်းတဲ့အချိန်သာ အခွင့်အရေးကို လက်လွှတ်မခံလိုက်ရစေနဲ့။ ဒါနဲ့ " တေးဂီတဧကရာဇ်က ဘယ်သူလဲ " ကို ဆက်သွယ်ပြီး ဒေါသလှိုင်းများသီချင်းက ဘာကြောင့် အမှတ်နည်းရသလဲဆိုတဲ့ကိစ္စကို ခင်ဗျား ကူဖြေရှင်းပေးနိုင်ကြောင်း ပြောသင့်တယ်နော်။ ”
ကျီဇယ့်ဟွေ့ ဒေါသပုန်ထပ်ထတော့မည်။
ကျယ်ယန် သူ့အသံကို မြှင့်ပြောလိုက်သည်။ “ ဘာလို့ အရမ်းတွေ ဒေါသထွက်နေတာလဲဗျာ။ ကျွန်တော် ပြောတာကိုသာ နားထောင်စမ်းပါ။ ဒါက နောက်ကျရင် ပြန်လည်ရိုက်ကူးရေးလုပ်တဲ့အကြောင်း တခြားတစ်ယောက်ယောက်စီက ပေါက်ကြားမှာကို ရှောင်ရှားပြီးသားလည်း ဖြစ်သွားမယ်။ ရိုက်ကူးရေးမလုပ်ခင်က ပွဲကြည့်ပရိသတ်တွေကို လျို့ဝှက်ပြီး စာချုပ်ချုပ်ခဲ့ပေမဲ့လည်း အဲ့ဒီစာချုပ်တွေရဲ့ ထိန်းချုပ်နိုင်မှုအင်အား ဘယ်လောက်နည်းသလဲဆိုတာ ခင်ဗျား သိသင့်တယ်နော်။ ဒါ့အပြင့် B မြို့တော် ရုပ်မြင်သံကြားဌာနမှာ ဝန်ထမ်းတွေ အများဆိုမှ အများကြီးရှိတာ။ ဝန်ထမ်းဘယ်လောက်များများက ကျွန်တော့တို့ သီချင်းထပ်ဆိုရတာကို သိသွားကြပါ့မလဲနော်။ သတင်းတွေကို ခင်ဗျား ဖုံးထားနိုင်ရဲ့လား။ ”
ကျီဇယ့်ဟွေ့ တည်ငြိမ်စွာ မေးလိုက်၏။ “ မင်း ဘာလုပ်ချင်တာလဲ။ ”
“ စိတ်ဆင်းရဲစရာ စိတ်ဆိုစရာကဒ်တွေကို ခင်ဗျားကို ကူရောင်းပေးချင်တာလေ။ အိုကေဗျာ သွားပြင်လိုက်တော့။ ”
Chapter 41
Start from the beginning
