သွမ့်ယိခွန်းလည်း သူတို့အကုန် စိတ်ဓာတ်ကျနေမှန်း တွေ့နေတာမို့ အချိန်ကိုက်ပင် သတင်းကောင်းပြောပြပေးလာသည်။ "စိတ်ဓာတ်မကျနေကြနဲ့၊ ပျော်ပျော်နေစမ်းပါ။ မနက်ဖြန် မင်းတို့တွေ ကြော်ငြာတစ်ခုရိုက်ပြီးသွားရင် သန်ဘက်ခါကျ ချန်းရှကို သွားရမယ်။ မင်းတို့တွေ Variety show အသိုင်းအဝိုင်းထဲ ဝင်ဖို့အချိန်ကျပြီလေ။"
သူက နိုင်ငံအတွင်းရှိ အသက်ကြီးငယ်မရွေးသိကြတဲ့ variety show တစ်ခုမှာ ပါဝင်ခိုင်းဖို့ ပြင်ဆင်ပေးထားတာဖြစ်ပြီး ပထမဆုံး စတင် variety show မှာ ပါဝင်မယ့်လူများအတွက်တော့ ဒါက အကောင်းဆုံးရွေးချယ်မှုတစ်ခုလိုပင်။
ထင်ထားသလိုပင်၊ ဒီသတင်းက အဖွဲ့သားများကို တစ်ဖန်ပြန်လို့စိတ်လှုပ်ရှားသွားစေသည်။ ဒီ Variety show က ခဏခဏ အပြစ်တင်ခံရတတ်သည်ဆိုပေမယ့် နှစ်ပေါင်းများစွာ ကြိုးစားပြီး စုစောင်းထားရတဲ့ဂုဏ်သတင်းနှင့် rating ကိုတော့ အခြား ဘယ် variety show မှ ယှဉ်လို့မရနိုင်သေး။ စတားဖြစ်ချင်ကြတဲ့အိပ်မက်များနှင့် လူငယ်လေးများအတွက် သူတို့ငယ်ငယ်က ဒီ show ကို မကြည့်ခဲ့ဖူးသူများ ရှိမလား။ ဘယ်သူကများ ဒီလို variety show ပွဲပေါ်မှာ ခြေချနိုင်ရမည်ဟု အတွေးမဝင်ခဲ့ဖူးသူရှိလို့လဲ။
အစည်းအဝေးပြီးတာနှင့် အဖွဲ့သားများ အချင်းချင်းစကားပြောလျက် ပြန်ထွက်လာကြပြီး သူတို့မျက်နှာထက်က စိတ်လှုပ်ရှားပျော်ရွှင်မှုကို ဖုံးကွယ်ထားလို့တောင် မရ။
ဝမ်ချောင် ရှဲ့ကျူရှင်းပခုံးကို သိုင်းဖက်လျက် ကျန်အဖွဲ့သားများထက် နောက်ကျနေခဲ့ပြီး အသံတိုးတိုးနှင့်ပြောလာသည်။ "စောသေးတာပဲ။ လျန်-ကောအိမ်ကို သွားရအောင်။"
ရှဲ့ကျူရှင်းလည်း သူ ထပ်ပျော်ပါးချင်ပြန်ပြီထင်၍ ပြောလိုက်သည်။ "ဟင့်အင်း၊ ငါ ခဏလောက် အကလေ့ကျင့်ချင်သေးတယ်။"
"မင်း အခြားအချိန်တွေမှာ လေ့ကျင့်လည်းရတာပဲ။ ပြီးတော့ မင်း အကမှာတော်ပြီးသားလေ။ လေ့ကျင့်မနေနဲ့တော့။" ဝမ်ချောင်ပြောလာသည်။
ရှဲ့ကျူရှင်းပခုံးပေါ်တင်ထားတဲ့ ဝမ်ချောင့်လက်များက ရိုးသားနေခြင်း မရှိ။ သူက ရှဲ့ကျူရှင်းဂုတ်ပိုးကို ထိကိုင်လျက် ရှဲ့ကျူရှင်းပခုံးကို ဖျစ်ညှစ်လို့နေသည်။
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119