Bi De • Pan Yu Xin De Rui la ||Myanmar Translation|| - 30 - Page 2

YOU ARE READING

Bi De • Pan Yu Xin De Rui la ||Myanmar Translation||

Fantasy

It's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119

#chinesenovel #comedy #entertainment #industry #modern

30

Start from the beginning

by callme__kitty

သူတို့ကုမ္ပဏီကို သွားချိန်မှာလည်း ဝမ်ချောင်က ရှဲ့ကျူရှင်း ဘေးတွင်ထိုင်လျက် အရင်လိုပူးကပ်နေ၏။ သို့သော် အရင်က ဒီလိုပူးကပ်နေရင်တောင် သူ့မျက်ဝန်းများက ပုံမှန်အတိုင်းပင်။ အခုလိုမျိုး သူ့ညှပ်ရိုးကို စူးစူးစိုက်စိုက်ကြည့်ပြီး သွားရည်မမျိုချနေ။

နောက်နှစ်ရက်အတွင်း ထိုအခြေအနေက ပို ပိုလို့ဆိုးလာသည်။ ဝမ်ချောင့်အကြည့်များက ရှဲ့ကျူရှင်းရဲ့ညှပ်ရိုးမှတစ်ဆင့် ရင်ဘတ်သို့၊ ထို့နောက်မှာတော့ သူ့ခါးပေါ်သို့၊ နောက်ဆုံးတွင် သူ့တင်ပါးနှင့် ပေါင်တံများအကြား ရောက်လာတော့သည်။ ထိုသူက သူ့ကို အပေါ်အောက်ဆန်ကြည့်ရင်း မည်သူမှ သတိမထားမိဘူးဟုထင်ကာ အကြည့်များက ပိုလို့ပိုလို့ရှင်းလင်းထင်ရှားလာ၏။

ထိုနေ့က ကုမ္ပဏီတွင် အစည်းအဝေးရှိခဲ့သည်။ သူတို့ပွဲဦးထွက်ပြီးတာ တစ်လမျှရှိပြီဖြစ်ပြီး Summer Ice အခြေအနေက အကောင်းကြီးလည်း မဟုတ်သလို အဆိုးကြီးလည်း မဟုတ်နေ။ သို့သော် အခြေအနေက ဒီအတိုင်းကြီးသာ ဆက်သွားပါက ကျောင်းသူများ စာမေးပွဲအပြီးပြန်လာရင်တောင် သူတို့အောင်မြင်မှုအတွက် အထောက်အကူ များများစားစားဖြစ်တော့မှာ မဟုတ်။

"မင်းတို့ပထမဆုံးအကြိမ်မှာတင် Top 3 အထိ တက်သွားနိုင်တာ မဆိုးလှပါဘူး။" သွမ့်ယိခွန်း သူတို့ကို နှစ်သိမ့်ပေးလာသည်။ "အိုင်ဒေါ ကောင်လေးအဖွဲ့တွေရဲ့သီချင်းတွေက အရမ်းနာမည်ကျော်သွားဖို့ ခက်တယ်။ ပြီးတော့ မင်းတို့သီချင်းထွက်ချိန်က စီနီယာအဖွဲ့တွေ သီချင်းထုတ်ချိန်နဲ့ တိုက်သွားလို့ပါကွာ။ မင်းတို့တွေ အကောင်းဆုံးလုပ်ခဲ့ပြီးပါပြီ။"

သူတို့ခြောက်ယောက်လုံး တုံ့ဆိုင်းတုံ့ဆိုင်းနှင့် ခေါင်းညိတ်လိုက်ပေမယ့် မချင့်မရဲတော့ဖြစ်ကြဆဲ။ သူတို့ သီချင်း charts အကြား ထိပ်ဆုံးအထိ တက်နိုင်တာ ဘယ်လိုမျိုးသဘောလဲ သေချာမသိလှပေမယ့် Weibo က ဆွေးနွေးချက်များကြောင့် သူတို့သီချင်းက ထင်သလောက်ပေါ်ပြူလာမဖြစ်မှန်း သိထားရသည်။ ထို့အပြင် ပွဲဦးထွက်ကာလ ပြီးသွားပြီမို့ Weibo မှာလည်း Fan သိသိသာသာတိုးလာခြင်းမျိုး မရှိတော့။ share နှင့် comments ထောင်ချီအောင်ရှိနေသည့် ရှဲ့ကျူရှင်း account ကလွဲရင် ကျန်အဖွဲ့သားများ၌ အများဆုံးရာကျော်သာရှိနေတတ်သည်။ ထို့အပြင် hot comment အများစုကလည်း ကြော်ငြာစာများသာ။ သူတို့ထဲ အဆိုးဆုံးကတော့ ကောင်းစီ့ယွမ်ပင်။ သူ တောင်ကိုရီးယားဘက်တွင် လေ့ကျင့်သားဖြစ်ခဲ့စဉ် လုပ်မိခဲ့တဲ့မတော်တဆမှုကြောင့် ပြက်ရယ်ပြုခံနေရပြီး သူ့ post အောက်ရှိ comment များကလည်း သူ့ကို တိုက်ခိုက်လို့နေတာမို့ အဆုံးတွင် သူ့မှာ comments ပိတ်ထားရတော့တဲ့အထိဖြစ်သွားရသည်။