Bi De • Pan Yu Xin De Rui la ||Myanmar Translation||

26

ဝမ်ချောင် သူ့ကို ဆေးဘူးပြန်ပေးပြီး ဖူးယောင်နေတဲ့သူ့မျက်နှာတစ်ဖက်ကို လှည့်ပြပြီးပြောလိုက်သည်။ "ဒီမှာ၊ ဒီမှာ"

ရှဲ့ကျူရှင်း : "ငါ မြင်ရတယ်။"

သူ တစ်ချက်ပဲ ဖြန်းပေးရသေးသည်၊ ဝမ်ချောင် ဇက်ပုသွားပြီး ပြုံးရယ်လျက်ပြောလာသည်။ "အာ့ ဖာ့ခ်၊ အေးလွန်းတယ်။"

ရှဲ့ကျူရှင်းလည်း ရယ်လိုက်ပြီး သူ့ဂုတ်ပိုးကို ပုတ်ပေးလျက်ပြောလိုက်သည်။ "အထိမခံလေး"

သွမ့်ယိခွန်းက အနောက်တန်းတွင်ထိုင်လျက် ဆရာ ပို့ချနေတာများကို နားထောင်လျက်ရှိသည်။

နေ့စဉ်ကျင့်သုံးလာသည့်မျက်နှာအမူအရာဖြင့် စကားပြောခြင်းအလေ့အကျင့်များက ပို့ချချက် အနည်းငယ်မျှဖြင့် သိသိသာသာပြောင်းလဲသွားဖို့ အလွန်ခက်ခဲလှသည်။ သွမ့်ယိခွန်းပြောပြလာတဲ့အချက်အလက်များကို အကုန်ပေါင်းစပ်လျက်သာ သူတို့တစ်ယောက်ချင်းစီရဲ့ ပင်ကိုယ်စရိုက်များနှင့်အညီ အထုံပါရမီများကို အသုံးချတတ်ဖို့ သင်ပေးရတော့သည်။ ထိုနည်းဖြင့်သာ သူတို့အကုန်လုံး သူတို့ကိုယ်ရည်ကိုယ်သွေးရဲ့ကောင်းချက်များကို အမြင့်ဆုံးအထိ အသုံးချနိုင်စေပြီး လိုအပ်ချက်များကို မသိသာသွားစေမှာဖြစ်သည်။

ရှဲ့ကျူရှင်းက အမြဲအလေးအနက်နှင့် လူအများနှင့် ဆက်ဆံရာတွင်လည်း တော်သင့်ရုံမျှသာဖြစ်သည်။ သို့ပေမယ့် သူက ပျော်ရွှင်စည်ကားနေတဲ့ပွဲများတွင် တက်တက်ကြွကြွနေရတာ မကြိုက်လှ။ ထို့ကြောင့် သူ့အနေနှင့် ပိုလို့ဖက်လဲတကင်းနေဖို့လိုသည်။

ကောင်းစီ့ယွမ်က အတော်လေးစကားပြောတတ်ပေမယ့် သူ့အသံက နားထောင်လို့မကောင်းလှတာမို့ ဆရာက သူ့ကို အသံသွင်းစေပြီး ပြန်နားထောင်၍ တဖြည်းဖြည်းပြင်သွားစေသည်။

ကျိကျဲပါးစပ်က အတော်လေးထက်လှတာမို့ သူသာ အသုံးချတတ်ပါက Fan များကို ဆွဲခေါ်နိုင်မယ့် အမူအကျင့်လေးတောင် ဖြစ်သွားနိုင်သည်။

ယန့်ရှောင်းမူက ရယ်တဲ့နေရာတွင် အတော်ဆုံးပင်။ သူ့မှာ ကောင်းကွက် မရှိသလို ဆိုးကွက်လည်း မရှိလှ။ သူ့အနေနှင့် လေထုအခြေအနေကို မြှင့်တင်ပေးရန်လိုတဲ့အခြေအနေမျိုးတွင် လူတိုင်းကိုရယ်သွားအောင် ဟာသအချို့စုဆောင်းထားရန်သာ လိုသည်။