ကျိကျဲက တကယ်ကို ဘန်းမုန့်ကဲ့သို့ မျက်နှာဝိုင်းဝိုင်းလေးဖြစ်ပြီး အမြဲလိုလို သူ့မျက်နှာကျနှင့်ပတ်သတ်၍ မကျေမနပ်ဖြစ်နေကာ ခွဲစိတ်ချင်တယ်ဟု အကြိမ်ပေါင်းများစွာ ထုတ်ပြောခဲ့ဖူးသူဖြစ်သည်။ ထိုကဲ့သို့ကြားရချိန် သူကလည်း ပျော်ရွှင်မနေတော့။
"ငါ့မှာ ဘန်းမုန်လို့မျက်နှာရှိတယ်? မင်းဖင် ဘယ်လောက်ကြီးလဲဆိုတာကျ ဘာလို့ မင်း မပြောပြလဲ။"
ဝမ်ချောင် ဒေါသတကြီး ပြန်ဆဲရေးသည်။ "ဘယ်သူ့ဖင်က ကြီးနေလဲ?! ပန်းကန်ပြားလိုဖြစ်နေတဲ့ မင်းမျက်နှာကိုပဲ ပြန်ကြည့်စမ်းပါ!"
ရှဲ့ကျူရှင်းမှာ သူတို့နှစ်ယောက် ထပ်ရန်ဖြစ်တော့မည်ဆိုတာ မြင်လိုက်တာမို့ ဝမ်ချောင်ကို တစ်ဖက်သို့ အလျင်အမြန်ဆွဲထားရင်း ပြောလိုက်ရသည်။ "ပြဿနာ မရှာနဲ့တော့။ ငါ အခု စိတ်ရှုပ်နေရတာ မလုံလောက်သေးဘူးလို့ မင်းထင်နေတာလား။"
ဝမ်ချောင် ကျိကျဲကို ထပ်ဂရုစိုက်မနေတော့။ "စိတ်ရှုပ်ခံမနေနဲ့။ ဒီနေ့တစ်ရက်တည်းပဲ။ မနက်ဖြန်ကျ သူတို့ မင်းကို ဝေဖန်ဖို့ မေ့သွားလိမ့်မယ်။ ကောင်းစီ့ယွမ်ကို ဝေဖန်ရမယ့်အလှည့်ရောက်ပြီလေ။"
မနက်ဖြန် လူထုအကြားချပြခံရမည့် ကောင်းစီ့ယွမ် : "..."
"ဟေး၊ ဟေး၊ မင်းတို့ ကြည့်ဦး!" ချန်းယောင့် စိတ်လှုပ်ရှားတကြီးအော်ပြောလာသည်။ "Mr.လျန် forward လုပ်သွားတယ်!"
လူတိုင်း သူတို့ဖုန်းများကို ကိုယ်စီငုံ့ကြည့်လိုက်ကြသည်။
လျန်ရှီက တကယ်ကို Weibo ကို retweet လုပ်ပြီး စာလည်းရေးထားသေးသည်။ "ရို့၊ ကြည့်ရတာ ရထားတွဲလေး ပွဲဦးထွက်တော့မယ့်ပုံပဲ။"
သူက အလွန်နာမည်ကျော်ပြီး fan လည်း အများအပြားရှိတာမို့ ပြန် share သည့်နှုန်းက မိုးထိထောင်တက်သွားတော့သည်။ အနုပညာလောကအသိုင်းအဝိုင်းအတွင်း သူနှင့် ခင်မင်ကြသူ၊ သူနှင့် အဆက်အဆံရှိလိုသူများကလည်း ပြန်လို့ share ပေးကြသည်။ သို့နှင့် ကုမ္ပဏီမှ ရှဲ့ကျူရှင်းအတွက် ထုတ်ပြန်ပေးထားသည့် Weibo post မှာ ရုတ်ချည်းဆိုသလို ပေါ်ပြူလာအများဆုံးအထိ ထိုးတက်သွားလေသည်။
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119