သွမ့်ယိခွန်း ထူးဆန်းသလို မေးလိုက်သည်။ "မင်း ရှောင်ရှဲ့နဲ့ ဆက်ဆံရေးကောင်းတယ် မဟုတ်လား။ ဘာလို့ သူ့ကို ခေါင်းဆောင် မဖြစ်စေချင်ရတာလဲ။"
"သူက ပြဿနာများရတာကို မကြိုက်ဘူး။ အရင် ကျိကျဲနဲ့ ချန်းယောင့် သူနဲ့ အခန်း အတူတူငှါးချင်တာတောင် သူ သဘောမတူဘူးလေ။ သူက တိုးတိုးတိတ်တိတ်နဲ့ အေးအေးဆေးဆေးနေရတာကို သဘောကျတာ။ အကယ်၍ သူသာ ခေါင်းဆောင်ဖြစ်သွားရင် လူတိုင်းက ပြဿနာတစ်ခုခုဖြစ်တိုင်း သူ့သွားရှာတော့မယ်။ သူကလည်း စိတ်ရင်းကကောင်းတော့ တစ်ယောက်ယောက် အကူအညီတောင်းလာရင် ငြင်းနိုင်မှာ မဟုတ်ဘူး။ ခွန်း-ကော၊ သူ့ကို ခေါင်းဆောင် မလုပ်ခိုင်းနဲ့။"
သွမ့်ယိခွန်း ပါးနပ်လှတဲ့မျက်ဝန်းများဖြင့် သူပြောသမျှကို နားထောင်နေလိုက်သည်။ "မင်း တွေးတာမှန်တယ်။ တကယ် သူ့ကိုပဲ လေးယောက်တောင် မဲပေးကြတာ။ မင်းတို့ခြောက်ယောက်ထဲမှာ နှစ်ယောက်ပဲ ရှောင်ရှဲ့ကို မဲမပေးတာ။ အဲ့တာကြောင့် ငါ ကြုံရာလူရွေးပြီး သူက မဲအများဆုံးလို့ပြောရင် ဘယ်သူကမှ ယုံမှာ မဟုတ်ဘူး။"
ဝမ်ချောင် မကျေမနပ်ဖြစ်လို့သွားသည်။ "ရှောင်ရှဲ့ သူ့ဘာသာမရွေးထားဘူးဆိုတော့ သူ့ကို မရွေးတဲ့လူ နောက်တစ်ယောက်ရှိသေးတာပေါ့။ ဘယ်သူက အဲ့လောက် အမြင်မရှိရတာလဲ။ အော့်! ကျွန်တော်သိတယ်၊ သူက ကောင်းစီ့ယွမ်လား။"
"ကောင်းစီ့ယွမ် မဟုတ်ဘူး။ ဘယ်သူလဲတော့ ငါ မပြောပြနိုင်ဘူး။ အမည်မဖော်တဲ့ မဲပေးစနစ် မဟုတ်လား။"
ဝမ်ချောင် ထပ်မေးသည်။ "နောက်မဲက ဘယ်သူ့ဆီမှာ ရှိတာလဲ။ ကျွန်တော့်မှာ တစ်မဲရှိမှန်း သိတယ်။ ရှောင်ရှဲ့ပေးထားတာ။"
မထင်ထားစွာ သွမ့်ယိခွန်းမှ ပြောလာသည်။ "မင်းမှာ မဲနှစ်ခုရှိတာ။"
ဝမ်ချောင် : "... ဘယ်သူက အဲ့လောက်ထိ အမြင်မရှိရတာလဲ။"
သွမ့်ယိခွန်း မျက်မှန်ပင့်တင်ရင်း ပြုံးသည်။
ဝမ်ချောင် တွေးကြည့်ပြီးနောက် ပြောလိုက်လေသည်။ "ဒါဆို ... ကျွန်တော်ပဲ ခေါင်းဆောင်လုပ်လိုက်မယ်။"
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119
