ဝမ်ချောင်တစ်ယောက်တည်းကသာ သီချင်းစာသားအနည်းငယ်မျှ ဆိုညည်းနေသလိုနှင့် အသံထပ်ထွက်မလာတော့။ သူ ခဏကြာအောင် အိပ်ငိုက်ငိုက်နှင့်ထိုင်နေပြီးမှ ရုတ်တရက်ပြောလာသည်။ "မင်းတို့ လေ့ကျင့်နှင့်။ ငါ အပြင်ခဏသွားဦးမယ်။"
အခြားသူတွေကတော့ ဘာမှမပြောပေမယ့် ရှဲ့ကျူရှင်းမှ ပြောလိုက်လေသည်။ "အပျင်းတစ်ချင်ပြန်ပြီလား။ မင်း ဘာသွားလုပ်မလို့လဲ။"
ဝမ်ချောင် မျက်ဆန်လှန်ပြရင်း ပြောလာသည်။ "အရမ်းမွန်းကြပ်လာလို့ အပြင်သွား ခဏလေကောင်းလေသန့်ရှုမလို့။"
"... မြန်မြန် ပြန်လာခဲ့။ ငါတို့ ခဏနေ chorus ပိုဒ် လေ့ကျင့်ရဦးမယ်။"
ဒီကောင်လေးရဲ့ပါးစပ်က ပေါပေါပဲပဲနှင့် စိတ်ရှုပ်စရာကောင်းအောင် ပြောပေမယ့် အလိမ်အညာစကားကတော့ ပြောခဲသည်။ ထို့ကြောင့်လည်း သူ့စိတ်ထဲ မပါတဲ့စကားအချို့ကို ပြောလိုက်ပါက ချက်ချင်းကို တန်းသိမြင်နေရသည်။
ဝမ်ချောင် အပြင်ရောက်တာနှင့် သွမ့်ယိခွန်းဆီ တိုက်ရိုက်သွားပြီး မေးလိုက်တော့သည်။ "ခေါင်းဆောင် ရွေးပြီးသွားပြီလား။"
"ငါ မင်းတို့ သီချင်းဆို လေ့ကျင့်တာ အရင်စောင့်ကြည့်ဦးမလို့။ ပြီးမှ ခေါင်းဆောင် ဘယ်သူလဲ ကြေညာပေးမယ်။"
"ကြေညာဖို့ အလျင်လိုမနေပါနဲ့။ ရှောင်ရှဲ့မလား။"
သွမ့်ယိခွန်း မေးလိုက်သည်။ "ဘာလို့ မင်းက သူလို့ ထင်ရတာလဲ။"
ဝမ်ချောင်က သိသာနေတဲ့ကိစ္စတစ်ခုလို ပြောလာသည်။ "သူကလွဲပြီး ဘယ်သူဖြစ်နိုင်မှာလဲ။ ကျိကျဲက ဖြူကောင်လိုပဲ။ သူ့အနားကပ်လာသမျှလူတိုင်းကို ဆူးနဲ့လိုက်ထိုးတယ်။ ချန်းယောင့်က ခပ်တုံးတုံး အငယ်ကောင်လေး။ ယန်ရှောင်းမူက တစ်နေ့တစ်နေ့ ဘယ်လိုရယ်ရမလဲဆိုတာပဲ သိတယ်။ ကောင်းစီ့ယွမ်ကတော့ တော်တော်ကို စိတ်ရှုပ်ဖို့ကောင်းတာ။ သေချာပေါက် ရှောင်ရှဲ့ပဲ ကျန်တာလေ။"
သွမ့်ယိခွန်း ပြုံးသွားသည်။
"သူ ဟုတ်တယ်မလား။ အဲ့တာ ... သူ့ကို ခေါင်းဆောင် မလုပ်ခိုင်းနဲ့။ ဘယ်သူ့ကိုဖြစ်ဖြစ် ရွေးလိုက်။ အမည်မသိ မဲပေးထားကြတာပဲ။ ခင်ဗျား နာမည်တပ်လိုက်တဲ့လူကပဲ ခေါင်းဆောင်ဖြစ်လာမှာ။"
YOU ARE READING
Bi De • Pan Yu Xin De Rui la ||Myanmar Translation||
FantasyIt's just a translation work. It doesn't belong to me. Peter Pan and Cinderella [彼得·潘与辛德瑞拉] Author: 徐徐图之 Total Chapters: 119
