THIRTY EIGHT
Copyright © Marco Jose (SiMarcoJoseAko)
"Captain, tignan mo 'yon. Hindi ba siya 'yong babaeng tiga Palawan rin na sabi mong nag-aaral sa Manila?" Napalingon naman ako sa direksyon na itinuturo ni Dana.
It's her, Lavenia.
Nagulat ako dahil tinotoo pala niya ang sinabi niyang mag tatransfer siya sa St. Tomas. Balita ko ay magdadalawang lingo na itong nakapag transfer sa school pero ngayon ko lang siya nakita at doon ko lang din nakumpirma na lilipat nga ito ng school. Nakangiti ito na para bang kakandita sa eleksyon. Biglang nagtama ang mga mata namin ni Lavenia. Lumapit ito sa pwesto namin ni Dana. She even waved while smilling very wide.
"Hi, it's you. You didn't tell me na ang dami pa lang gwapo dito sa school n'yo. I am so surprised." Sabi niya pagkalapit niya sa pwesto namin ni Dana.
"Captain, ang arte niya magsalita ha." Bulong sa akin ni Dana. Ngumiti lang ako ng tipid.
"Nagulat ka ba na nandito ako sa school n'yo? Siguro naman narinig mo nang may transferee ?" Tanong niya sa akin. Hindi ko alam kung bakit parang may kahulugan ang mga ngiting ibinibigay niya sa akin.
"Ah—Medyo, akala ko kasi nagbibiro ka lang." Sagot ko sa kanya. Nasa may canteen kami ng school at may klase pa si Greg at Ced kaya hindi namin sila ngayon kasabay.
"Actually, may cousin kasi ako na nag-aaral dito kaya dito na rin ako mag-aaral." Sabi niya sa maarteng tono. Tumango na lang ako at siya naman ay parang may hinahanap.
"Ah Raisse, nasaan si Greg? Bakit hindi mo ata siya kasama?" Tanong niya.
"May klase pa siya, mamaya pa kami magkikita." Sagot ko sa kanya.
"Ah, ganoon ba? Iimbitahan ko sana siya sa welcome party para sa akin." Diretso niyang sagot sa akin.
"Siya?" Gulat na tanong ni Dana.
"I mean, kayo pala." Sabi niya sa akin sabay ngiti.
"Ah, hindi ko lang sigurado. Ang alam ko kasi ayaw ni Greg sa mga party." Sagot ko sa kanya.
"Oh? Sayang naman, tsaka minsan na lang naman tayo magkasama. Parang wala naman tayong pinagsamahan niyan Raisse. Magkababata naman tayo ah? Sige na, sumama na kayo. For sure mag-eenjoy kayo roon." Sabi niya.
"Ano kasi, hindi ko lang sigurado. Kakausapin ko muna si—"
"Kung gusto mo ako na ang kakausap kay Greg para diyan? Kaklase ko naman siya sa susunod na subject." Ngumiti ulit siya ng makahulugan.
Bigla ay nakaramdam ako ng selos at kaba sa sinabi niya. Sinadya niya bang maging magkaklase sila ni Greg?
"T—Talaga? K—Kaklase mo siya?" Tanong ko sa kanya.
Ngumiti ulit siya, pero sa pagkakataong ito. Ang ngiti niya at ang sinabi niya ay mas makahulugan.
"Yes, balak ko kasi siyang agawin sa'yo." Sabi niya sabay tawa ng nakakaloko.
Magsasalita na sana ako ng magsalita na siya. "Biro lang! Hindi ako marunong mang-agaw eh, sila kusang nalapit." Sabi niya sa akin.
Walang nakaimik sa amin ni Dana. Pero sa loob loob ko, kinakabahan ako ng hindi ko alam kung bakit. Parang may mangyayari at parang dapat maging handa ako.
"See you later Raisse." She said before she left.
"Captain hindi ko siya feel! Ang landi niya, hanggang dito nakasunod siya sa'yo? Wow ha!" Sabi ni Dana sa tabi ko.
"Dana, may napansin ka bang kakaiba sa kanya?" Tanong ko sa kanya.
"Wala naman Captain? Bakit?" Tanong ni Dana. I just shook my head.
"Wala, paranoid lang siguro ako."
"Ay, Captain. Narinig mo ba na bumalik na si Miguel? Balita ko ay nagbakasyon rin siya sa probinsya nila." Napalingon naman ako kay Dana.
Matagal tagal na rin simula ng huling magka-usap kami ni Miguel at hindi pa naging maganda ang pinag-usapan namin.
"Ganoon ba?" Tanong ko sa kanya. Wala talaga ako sa mood makipag-usap.
"Captain, may nangyari na ba sa inyo ni Greg?" Biglang tanong ni Dana na nagpabuhay sa katawang lupa ko.
"Ano ba naman 'yan Dana! Kung anu-ano pinagtatanong mo! Siyempre wala pa!" Sigaw ko sa kanya. Nakuha ko naman ang atensyon ng ilang kumakain sa paligid namin. Ningitian ko lang sila ng pilit at itinuon ulit ang pansin kay Dana.
"Sorry naman Captain, natanong ko lang. Pansin ko kasi na lagi siyang nasa apartment mo eh. Baka mamaya may nangyari na sa inyo, knowing Greg. Kilala 'yang womanizer dati." Sabi niya.
"Wala pa, hindi ko naman agad isusuko ang bataan ko kahit na mahal ko 'yon." Sabi ko sa kanya.
"Bakit sa inyo ni Cedric may nangyari na ba?" Tanong ko sa kanya.
"Wala pa 'no. Pero ano? Pupunta ka ba mamaya?" Tanong ni Dana. Bigla naman akong natigilan at napatulala sa kawalan.
Pupunta ba ako?
****
"Greg!" Napalingon kami ni Greg ng may tumawag sa pangalan niya pagkapasok namin sa entrada ng mataas na gate ng isang bahay.
"Hi." Bati ni Greg sa kanya ng makalipit ito sa amin. We're here at her party. Sabi kasi ni Greg ay mabait naman daw ito kaya sila pumunta at para na rin daw makapagliwaliw sila.
"Buti nakapunta ka." Sabi niya kay Greg sabay haplos sa balikat nito. Biglang napukaw ang tingin niya sa akin.
"Kasama mo pala siya." Sabi niya at sa pakiramdam ko ay nadismaya siya roon.
"Yeah, gusto naman kasi namin gumimik kahit minsan." Sagot ni Greg sa kanya.
"I see, so C'mon. Let's go inside." Sabi nito sa amin.
It's a pool party at marami rin ang nakidalo. Halos lahat ay galing ng school at pamilyar ang iba sa akin.
"Misis, sana pala hindi na tayo pumunta dito. Kung hindi lang niya sinabi sa akin na gusto mo pumunta rito, hindi ako pupunta eh." Bigla akong napatingin kay Greg.
"Sinabi niyang gusto kong pumunta rito?" Tanong ko sa kanya.
"Oo, kanina. Kasi raw magkababata kayo at miss n'yo na ang isa't isa. Pero parang hindi naman." Sabi ni Greg. Nakaakbay lang ito sa akin habang ang isa naman niyang kamay ay nilalaro laro ang kamay ko.
Nandito na naman ang pamilyar na kaba sa may dibdib ko.
Parang may mali, parang planado ang lahat. Parang alam niya kung ano ang kilos at isip naming dalawa ni Greg. Something is really happening.
"Hi, nag-eenjoy ba kayo? Maraming drinks doon." Naputol ang pag-iisip ko sa biglang pagsingit ni Lavenia. May mga kasama itong tatlong babae.
"Ah girls, this is Greg and si Raisse kababata ko." Pagpapakilala nito sa amin. Tinapunan naman ng tatlong babaeng kasama nito si Greg ng malagkit na tingin.
"Uhmm, Greg. Can we talk for a while? May gusto lang sana akong sabihin at ipakita sa'yo." Biglang sabi ni Lavenia. Napatingin agad ako kay Greg.
"Sure." He smiled.
Tumingin sa akin si Lavenia at tsaka ngumiti. Lumingon ako kay Greg. "B—Bumalik ka agad ah?" Sabi ko sa kanya. Tinanguan naman niya ako.
"Babalik agad ako, dito ka lang okay?" Sabi niya. Tumango ako sa kanya bago sila umalis ni Lavenia papasok sa entrada ng malaking mansyon.
Itinuon ko na lang ang pansin ko sa pag-inom ng light beer na iniinom ko. Hindi naman gaanong nakakalasing iyon kaya ininom ko. Pinanood ko na lang ang mga taong nagsasaya na iilan lang ang pamilyar na mukha sa akin. Hanggang sa nanawa ako at hindi ko na namalayan na mag-iisang oras na pala simula ng umalis si Lavenia at Greg. Nakakailang bote na rin ako at medyo tinatamaan na ako ng antok at kalasingan, pero kahit papaano ay nakakaya ko pa naman labanan ang mga iyon.
I texted him and I waited for minutes and there is no response. Balak ko na sanang sundan sila ng may biglang lumapit sa akin na lalaki.
"Nice to see you again, Raisse." Pilit kong inaaninag ang lalaking lumapit sa akin. Nanlalabo na kasi ang mata ko sa antok at sinabayan pa ng kalasingan pero ng maaninag ko ang lalaking nasa harapan ko ay parang kilala ko iyon.
Nagulat na lang ako ng hatakin niya ako paalis doon at wala na akong nagawa dala ng antok at kalasingan.
****
Copyright © Marco Jose (SiMarcoJoseAko)