LEL 3: Brutch Xeph Crimson a.k.a. LEAD [COMPLETED & PUBLISHED UNDER PHR]

Part 8

"CURRENTLY they were having a breakfast on an open cafe," anang lalaking palihim na nagmamasid mula sa isang table hindi kalayuan sa dalawang presensiyang sinusubaybayan nito. "What's the plan, boss?"

"Don't take your eyes off of them. Kapag nakakita ka ng magandang pagkakataon para kunin ang target, huwag mo nang palampasin pa. Sa oras na makalabas ng bansa ang bata, wala na tayong magiging habol pa. The government of Brazil could only put up with us cause we know their dirty secrets. Hindi sila makikialam sa bagay na 'to. Ang tanging kaaway natin ay ilang mga tao na naiwan sa isla."

"So, this is not game-over yet, huh?"

"It's Plan B. Wala silang kaalam-alam na planado ang sitwasyon. Kailangang mangyari ang lahat para lumabas ang nagtatagong daga sa lungga ng mga pusa."

Ngumisi ang tauhan. "You are truly a sly one, boss. You have the mask of a cat yet you're truly a wolf behind it."

"Simula pa lang, malinaw na ang mithiin ko. At napagtanto kong di ko 'yon magagawa sa loob ng organisasyon. That title isn't even worth my life. Isa lang ako sa mga naging tau-tauhan nila."

"Gusto mo bang patayin ko sila?"

Ilang segundong natahimik ang kausap nito. "Gawin mo ang kailangan mong gawin," pamaya-maya pa ay sabi nito. "Pero huwag mong maliitin ang isang frontliner. Kapag pumalpak ka, sa impiyerno ka pupulutin, Sky."

Ngumisi ng mapakla ang lalaking tinatawag na Sky at matalim ang pagkakatingin partikular sa sinusubaybayan nito. The guy was able to determine if the target was a prey or a predator like him. He was a hunter. Nakapagpabagsak na ito ng ilang hayop sa Africa at Amazon. Nakipagbuno na siya sa isang tigre gamit ang matalas niyang kawit. He lived in the jungle half of his youth. Sa piling ng mga katutubong pula sa Colorado Indian reservation sa kanlurang timog ng Amerika.

But Sky didn't have the blood of a native Indian. He was a half-blooded British na inabandona ng sarili niyang bansa. Inilaglag ng organisasyong Pentagon o ang US Department of Defense matapos ang alitan ng mga Amerikano at Briton sa naging pagsabog sa metropolitan area sa San Diego isang taon na ang nakararaan.

Minarkahan siya bilang traydor---isang espiya ng Britanya. He never was but he never thought he would be. Binura ng gobyerno ng U.S. ang eksistensiya niya. Maging ang ilang taong konektado sa kanya ay nadamay. Jorell, who stood as his father died along with their tribes. Ang lupaing ipinaglalaban nila sa mga puti ay nauwi sa wala. It was a dirty scheme. Una siyang kumitil alinsunod sa kagustuhan nang gamitin ng Sheriff ang impluwensiya nito upang dakpin ang kanilang tribu.

Wala siyang makapang pagsisisi. Sa isip niya ay kumitil lang siya ng buhay ng isang kriminal. Walang pagkakaiba noong naninilbihan pa siya sa Pentagon sa Arlington County, Virginia. Pagkatapos no'n ay naging isang hamak na freelance hunter siya. Walang direksiyon. Walang destinasyon. Humihinto kung saan tumigil ang mga paa. Bayaran ng mga pribadong organisasyong gustong saklawan ang gobyerno. Wala siyang pakialam sa motibo ng mga ito. Naging sunud-sunuran siya sa agos ng pera.

Isa lang natutunan niya sa buhay, na pera ang nagpapakilos sa tao ang at ang nagpapainog sa mundo. Pero ang malala, ni wala siyang ideya kung ano ang gagawin niya sa sariling pera. Marahil ay gusto niya lang lunurin ang sarili sa mga bakbakang nagpapaupos ng buhay niya tulad ng isang kandilang hindi mamatay-matay ang apoy. Apoy na alam niyang tutunawin ang buo niyang pagkatao.

He was young yet he lost the drive to live with purpose. Dahil nangangahulugan 'yon na kailangan niyang makipagugnayan sa iba. Para mabuhay at huminga ng may kasama. Hindi niya ibig mag-isip tulad ng isang normal na nilalang. Half of his soul was already dead. Kasabay na naglaho ng itinuring niyang pamilya.