Two Bad Boys Beside Me (COMPLETED)

Chapter 23: Touch her and you're dead.

"Pwede bang bilisan mong kumain?!"

Napasimangot ako habang nanakit na ang bagang ko dahil sa wagas kong pagnguya. Dito ko na lang ibinubunton ang inis ko dahil hindi ko na mabilang kung pang-ilang beses nang sinabi ng damuhong si Cane na bilisan kong kumain. Sino bang nagsabi na gusto kong sumabay sa kanya?

Ito nga ang dahilan kung bakit halos umapaw na ang plato ko sa dami ng nilagay kong pagkain dito sa pagbabakasakali na mainip sa akin ang hudyo at iwanan na ako.

"Hindi ka ba pinapaka---"

"Cane... shut up at sumama ka muna sa akin."

Nagtaas ako ng paningin mula sa pagkakayuko at binalingan si Light na seryosong nakatingin sa kapatid niya.

Saan naman sila pupunta?

"Where?"

"In my room. Nakalimutan ko ang susi ng kotse mo. Samahan mo ako." Mariing saad ni Light halatang inis na sa kapatid niya.

"Malaki ka na. Kaya mo na 'yan." Nakapangalumbaba habang nakasimangot na saad ni Cane.

Tumayo si Light at lumapit sa kapatid niya. At muli hindi ko na naman inaasahan ang ginawa niya. Hinila niya ang kaliwang tenga ni Cane na nagsimulang sumigaw sa sakit.

"Kapag sinabi kong samahan mo ako. Sasamahan mo ako!"

Hindi ko naman maiwasang matawa sa hitsura nila habang hila-hila ni Light si Cane. Sino nga bang mag-aakala na ang sigang bad boy ng HU ay parang bata kung ituring ng kapatid niya?

I wonder kung ganito din sila ni Tornado?

"Spring, kumain ka lang d'yan. Take your time." Saad ni Light at kahit na malayo na sila ay dinig na dinig ko pa rin ang sigaw ni Cane.

Napakunot-noo ako matapos kong silipin sa relo ko kung anong oras na. Mahigit tatlumpong-minuto na ang nakakalipas nang umalis ang dalawa. Gaano ba kalayo ang kwarto ni Light para magtagal sila?

Pero teka bakit ko pa ba sila inaantay? Hindi ba mas maganda kung umalis na ako ngayon para makaiwas ako sa bad boy na 'yon?

Sa naisip ay dali-dali akong tumayo pero hindi pa nga ako nakakahakbang ay dumating na sila.

Aish, bakit ko pa ba kasi hindi naisipan na umalis na lang kanina?

"Are you done eating?"

Hindi ko nagawang sagutin ang tanong ni Cane dahil hindi ko maiwasang manibago sa tono at hitsura niya habang nakatingin sa akin. Wala nang bahid ng inis ang boses niya at wala na rin ang masama niyang tingin sa akin.

"You should go now, Spring. Mag-ingat kayo ng kapatid ko." Napabaling ako kay Light na nakalapit na pala sa akin nang hindi ko namamalayan.

"A-ano p-pwede---" Hindi ko na nagawang makatutol pa nang ngitian ako ni Light.

Si Light na nga ang nagmamalasakit, ikaw pa ba ang tatanggi huh Spring? Stop making people worry about you...

"You're saying?"

Umiling ako. "Wala. Salamat Light."

"Let's go. We're going to be late."

In the end, I will spend my morning riding a car with the bad boy.

Oh God Help me, please.

HOLY crap! Ayoko pang mamatay!

Sa isip-isip ko habang mariin akong nakapikit at nakakapit sa handle ng kotse. Dahil ang walanghiyang katabi ko ay parang puma-fast and furious ang peg sa sobrang bilis ng pagmamaneho niya. Idagdag pa ang nakakabasag eardrums na tugtugin niya.