اسكريبتات

اسكريبت (٣٣) "هدير هاشم"

-مش هتطلعي من الاوضة دي يعني!
-مش اتجوزتني غصب عني! امشي من هنا يا عدي.
-عيب يا تاج اطلعي...
-عدي قولتلك امشي مش هطلع من هنا...
-يلا يا حبيبتي الله يهديكِ، والله امك عاملة اكل حلو.
-مهي هي كمان رئيسة العصابة وجوزتني ليك وانا مش موافقة.
ضحك - يبنتي اطلعي بقا.
- قولت لا يعني لا هه.

مش هو عاندني واتجوزني! يارب حد بيتحوز عِند يارب! مش عارفة اتصرف ازاي...
رغم أن عُدي جارنا، ملفتش نظري في يوم افتكر، أو حتى اهتميت بوجودة، مجرد راجل من ضمن رجالة العمارة، شخص مينفعش أكلمه أصلا، بس هو قرر يتجوزني، عِند، عِند وخلاص بتاع البنات ده.

- صباح الخير، ممكن نتكلم شوية؟
ابتسم - ممكن طبعًا.
- اللهم طولك يـ روح! استاذ عدي عايزين نتفق من أولها.
ضحك لحد ما عيونه دمعت، غمازته كانت حافرة علامة لطيفة اوي في خده - انت بتضحك على ايه يا مستفز انت!؟
- اصلك بتقولي أستاذ، إيه استاذ دي انا المفروض زي جوزك يعني.
- ‏مهو ده اللي هنتكلم فيه بقا، جوزك دي.
ابتسم- انا جاهز لأي حاجة.
- طيب اقعد بقا واسمعني في كام حاجة هقولهم علشان محدش فينا يخلص على التاني، آمين؟ آمين.
المهم، مبدئيًا كده أنا هنام في الاوضة دي وانت في الاوضة التانية، هتساعد معايا في شغل البيت انا مش الخـ.دامة اللي جيبتها من سوف العبيد ماشي؟ تحترم نفسك واعتبر أن ده سجن كده كام شهر لحد ما تطلقني بكل هدوء، ايدك متطولش لتوحشك، لسانك ميحلوش لمتعرفش تتكلم تاني، آخر حاجة بقا وأهم حاجة  تحترمني في وجودي وغيابي، عرفت من مصادري الخاصة انك بتاع بنات، وانا محبش أن جوزي حتى لو لفترة معينة يعني يمشي يقضيها تمام؟
كان مبتسم طول مانا بتكلم اول ما خلصت قرب خطوة وطبع بوسة على خدي وهو بيقول - صباح النور يا تاجي، يلا اقعدي للفطار.

قعد يكمل أكل، فضلت شوية مش مستوعبة بعدها جريت على اوضتي، قفلتها وقعدت على السرير، قليل الادب ازاي يتجرأ عليا كده! دانا حتى طالعة بالاسدال!

انا لازم احط حدود بينا اكتر من كده، كنت برتعش وانا بتكلم، ولأول مرة قلبي يدق الدقة دي، مكنتش فاهمة ايه حصل، كنت حاسة اني غلطت، ماما هتضربني مثلًا! حطيت ايدي على خدي وانا بفتكر شكله وهو مبتسم، وغمازته واصله لقلبي.
والله عال يا تاج هانم، من بوسه حبتيه اهو!!

- مش هتطلعي تاكلي؟
- ‏ابعد عني يا عُدي بقا.
- ‏يبنتي الله يهديكِ، هيغم عليكي وهيفكروني بعذبـ.ك من اول يوم تعالي كلي.
- ‏اطلع برا الشقة وانا هطلع أكل.
ضحك- ايه خايفة مني؟
- ملقيتش غيرك اخاف منه ولا ايه! لا طبعا.
- ‏خلاص اطلعي.
- لا معلش الأمان احسن اطلع برا الشقة.
- خلاص انا هنزل اجيب حاجة من تحت وجاي.

سكت بعد خمس دقايق سمعت صوت الباب، مكنتش هطلع بس بصراحة جوعت، وانا لما بجوع مبتحركش من مكاني للأسف، فتحت الباب بالراحة ودخلت لقيته محضر السفرة، قعدت علشان أكل معرفتش، وبعدين بقا في الخانقة اللي الواحد فيها دي، نزلت الطرحة من على دماغي ورفعت الاسدال، قربت على الاكل وبدأت أكل.