اسكريبتات

اسكريبت (٦٢) "رحمه طارق"

- بس هو لطيف، وسيم، ابن ناس، فيه كل المواصفات المطلوبة يبقي أية لا؟
- فعلا مميزاته كتير ، بس فيه عيب واحد بكل العيوب.
- وأية هو؟
- أنه فاضى.
- فاضى!
- بمعني أنه زي هدية ملفوفة لفة شيك، تجذب العين، تخليك مجبر علي التقرب منها، تشد الشريط وتكتشف وتفتح.. وتلاقيها علبة فاضية ! هو كدا بالظبط.
مش عارفك، مش فاهمك، مش مدرك تفكيرك ولا مبادئك
شايف أن الراجل راجل والست ست وفقط
عارف عن دينه أن الستات " ناقصات عقل ودين "
الشخص الي المفروض يكمل معاكي، يكون مُكمل ليكِ، راجل تقولي عنه " خُلقت من ضلعه " يستاهل الحب، الود، العيش والملح، راجل ميدخلش في مقارنة، ميتقارنش بالعالم
راجل ظهر بطيفه الأول، شفتيه في حلمك، راجل يعرف أن الله أولا وكل شيء بعد كدا تابعات.

انثي تقرأ ما بين السطور، تري العالم كغرفة صغيرة مليئة بالتفاصيل، لن يلفت إنتباها إلا تميزك، لن تجذبها خطوط يديك فلا تعبث  💙

#رحمة_طارق