اسكريبتات

اسكريبت (٥٣) "رحمه طارق"

- اهدي شوية كفاية توتر.
- بس اسكت.
- يا بنتي..
- أنا دايمًا كدا ياربي، حظي كدا حظي كدا
- طيب اهدي.
- يا زين أنا الكتكوت المبلول حظهُ أحسن من حظي، اهدي أية! بقولك هتأخر علي الزفت الامتحان والمترو عطلان في محطة المعادي
- ادعي بس خير والله هتلحقي بأذن الله.

يعني لا مذاكرة ولا مجتهدة ولا نافعة في دايت وتخينة وكمان سقوطة! كدا كتير علي مشاعري والله كتير
رن تاني - وصلتي؟
- قربت علي اللجنة، هي بدأت؟
- مش عارف
- مش عارف ازاي يا روح ماما! أنت فين؟
- مستنيكي تحت
- مستنيني تحت! ازاي يعني؟ يا بني أطلع الله يهديك الامتحان بدأ
- طيب.. قولنا طيب خلاص.

زين دا جاري والبيست من زمان اوي، كان معايا في ثانوي ولأجل الحظ القمر دخلنا نفس الكلية، بس ابتدائي وإعدادي كان هو لغات إبن نجيب سويرس وأنا دخلت حكومي حقير ومن ساعة من بقينا سوا وهو بيذل فيا

- ها يلا، ركزي علي الـ point الي الدكتور قال عليها في آخر lecture ؟
- مرارة هتتفقع علي الصبح مش ناقصة، متقول يالا محاضرة زي باقي الخلق أنت في آداب لغة عربية يا روحي.
- هتفضلي جاهلة
- هتفضل مغرور

خلصنا الامتحان وكل واحد روح، كالعادة آخر محطة لينا عند باب شقتي قبل ما يطلع شقته في الدور الي فوقينا، سلم عليا وبعدين دخلت، لقيت ماما قاعدة بشكل مريب، رابطة طرحة علي رأسها وبتشرب فنجان قهوة وبتبصلي من تحت لفوق، أسترها علي عبيدك يارب

- أحم مساء الخير يا ست الكل
- اهلا

الله دي احلوت أوي
قربت براحة تجنبًا لأي شبشب يتحدف يمين شمال أكون واخدة وضع استعداد قوي
حطيت إيدي علي كتفها - مالك يا ست الكل مين مزعلك؟
زقتني فوقعت علي السجادة - اوعي كدا الي مهتم بيا يوافق علي آخر عريس ويفرح قلبي.
- أم كرييتف وبتابعي الكوميكس تمام، بس ذنب دراعي أية الي بقي شبه دراع العروسة اللعبة المخلوع دا؟!
- أنا مبهزرش
- يووووه علي سيرة الجواز وسنينها.

هعمل أية بالجواز يعني؟ الي اتجوزوا خدو أية غير شوية مخدات فايبر في أول الجواز علي تفاح مقطع ومُعطر جو وسجاد جديد، ها وبعدين؟ سنين.. سنين أية هي سنة بالكتير وندخل في موال حمل ووحم و " أنا نفسي في لمون " أو
" أنت مال دراعك قالب علي شمامة كدا لية؟ "
بالله دا كلام! مالها عيشتي كدا زي الفل وبالي رايق والحياة جميلة ولطيفة والنفسية فل الفل

- ربنا ياخدني والله
- ياخدنا كلنا
- مادة سعرانة بقالي ٤٠٠٠٠٠ سنة ضوئية في أول صفحة
- رحمة أنا مش فاهم أسم المادة اصلا بتتكلم عن أية !
- يا زين وانت من أمتي بتفهم بس
- طب ابقي قوليلي بكرا بصوت هامس خجول
" السؤال الاول الهي تنستر "
- أنا دايما مشكلتي في السؤال الأول، أنا نقطة ضعفي السؤال الاول بالك أحله من هنا والدنيا تبقي وردي من هنا.
- بتكملي حل يعني بسرعة؟
- لا طبعا بسلم الورقة، مش حليت سؤال وضمنت درجته، ليه الطمع ها لية؟ بارك الله فيما رزق والحمدلله.
ضحك - مش قادر انسي شكلك وانتي قاعدة بتغشي وبستغفري في نفس الوقت، بتعمليها ازاي يا قادرة؟
- بالك انت يا زين يا اخويا بصيص الضمير الي جوايا دا هو سبب التزامي
- لا واضح
- قصدك أية يا ابو سمر كورس؟
- احم، أنا بقول انك تصبحي علي خير بقي علشان صفحة التلقيح هتتفتح وهغرق فيها.
- وأنت من أهله يا ابو ملحق جبر في تانية ثانوي.