اسكريبتات

اسكريبت (٢٥) "رحمه طارق"

- افتح دراعاتك الدنيا
- ازاي؟
- زيي كدا
- انتي بتعملي أية؟ انزلي.. انزلي يا رحمة حالاً
ملفتش، متحركتش، فضلت متبتة في السور برجليا، واقفة بطولي وفاتحة درعاتي للسما.
- ممكن تمشي.
- ممكن تنزلي، انتي مجنونة!
- لا، مش مجنونة، أنا بس فاهمه، فاهمه نفسي والدنيا الكدابة دي كويس، مش هاممني الناس، مش بعيش بالمظاهر ولا النقد بيآثر فيا، أنا رحمة، أنا حرة.
- طب.. طب ممكن تنزلي؟ فضلا علشان أي حاجة حلوة في حياتك.
- معنديش حلو
- مفيش حد بتحبيه؟
- خلعت قلبي زمان ومشيت حرة، فكسبت، مفيش حد يستاهل.
- انزلي ارجوكِ.
- أنت لية بتعاملني علي أساس اني هنتحر مثلا؟
- اومال انتي بتعملي أية؟
- فاتحة درعاتي للدنيا، بخوفها لأحسن تتغر في وقتها
- الدنيا قوية
- قوية بتفكيرنا، لو اتجاهلنا، لو مسكنا صوابعنا وقصينا ضوافرها، هتبطل خربشة، الخوف هينتهي لما منخافش.
سكت شوية - عندك حق
قعدت علي السور وظهري ليه فنط وقعد جنبي فضحكت.
- مش خايف؟
- عيب أوي لما تبقي بنت أشجع مني
- الدنيا تخوف
- بينا، بتفكيرنا
- طب وضوافرها؟
- نقصها؟
- وقوتها
- بنعرف نتجاهل اوي.
وقف علي السور زي ما كنت واقفة فقلبي وقع وخوفت عليه
- أنت بتعمل أية؟
- بجرب إحساسك.
- بس أنا..
- مش مهم، أنا زين، أنا حر.

ورغم
كل
ما
تفعله
الحياة
بنا
نقدر
على
المقاومة
لأننا
نخلق
فى
أماكن
سقوطنا
ورود ⁦♥️⁩

#رحمة_طارق