فتح الباب دخل..الدار هادية و الغريب انها دافية و الاضواء مشعولين عكست لي كانت وقت كان عايش فيها وحدو..غمض عينيه وقت شم ريحتها فالدار..تبسم بهدوء و تمشى يحوس عليها بين البيوت..لاول مرة يحس دارو شابة..لاول مرة ينتبه لديكور و الارضية و حتى سبيغة الحيوط..لاول مرة يحس روحو فدار حقيقية..
فتح باب بيتولي كانت مشقوقة نص..سمع صوت المرش تاع الدوش عرفها فدوش..دخل و طبع الباب موراه..رمى لافاست تاعو على طرف السرير و قرب للمرايا نحى لكرافات و الشوميز تاعو..تلفت رماهم فوق السري وورجع دار للمرايا..فلحظة تكوانسا فبلاصتو..رمش عينيه شحال من مرة يحب يستوعب واش شاف من شوية فوق السرير..
دار ليه بالزربة..رجليه تقالو و هو يقرب بخحوات رزان..وقف قدامهم..يديه يرعشو..رفدهم بالسيف..سبابط صغار حمورا تاع لي بيبي..بحجم ابهامو..ضحك..ضحك على الاحساس لي حسو..ضحك على دقة قلبو..ضحك خاطر من سنين محس هكا..يمكن حاجة فداخلو ترحكت..رجع رفد الڨغونوياغ هاديك حمراء بالابيض..قد كف يدو..قربها بلعقل لعندو شمها..شم ريحتها فيها..
تفتح الباب من موراه..تكوانسات فبلاصتها..تلفت ليها بلعقل..
ايهاب: ت..تاع وليدي ؟
غمضت عينيها بقوةو رجعت فتحتهم..هزتلو براصها ايه..رجع نزل راصو يشوف فيهم و يضحك..قربت ليه بلعقل..وقفت قدامو..عينيها دمعو من منظرو..كيفاه يشوف فيهم و فرحان بيهم..
عايدة: تاع وليدنا..
تبسملها..حطهم من يدو وورجعلها حط يدو بلعقل على كرشها يتحسس فيه..و يدو الثانية على خدها..
ايهاب: يمكن لازم نشكرك خاطر خليتيني نحس الاحساس هادا..
طلعت حواجبها مستغربة..مشي موالفاتو يشكر ضحكت على جنب..
عايدة: علاه تشكرني..مشي كنت تقول نتا لي خدمتو..
ضحك حتى صوت ضحكتو تسمع فالدار كاملة..ضحكت من غير ما تحس..يمكن هادي اول مرة تشوفو يضحك هاكا..حط يدو مور ظهرها جبدها لحضنو..
ايهاب: بديتي تتسوفجي
تبسمت و كبشت بيديها فتريكوه..يمكن للحظات كانو كيما اي عائلة سعيدة..المرأة وقت تعشق توصل بيها ساعات حتى وين تتناسا الماضي غصب عليها غير باش تعطي فرصة لروحها تعيش معا لي تحبو فرحانة..و هكاك هي يمكن للحظات كانت مستعدة تنسى باش يعيشو كيما اي عائلة..اما هو رجع حكى و ردهم خطوات كبااار للور..
ايهاب: شكرتك خاطر خليتيه يعيش و مطيحتيهش هاداك النهار..خاطر خدمتو غصب عليك..و بصراحة مني نادمعلى حتى حاجة درتها من اول نهار شفتك خ...
قبل ما يرجع يحكي..جبدت روحها منو بالزربة..عينيها تعباو دموع..تشوف فيه مصدومة..
عايدة: م مراكش نادم !
هزلها براصو لالا و رمى يدو باش يمسح دموعها لي نزلو..جبدت روحها للور بالزربة..
عايدة: ادا نتا مراكش نادم..حط مليح فبالك حتى انااا عمري ما نسمحلك..عمري ما نسمحلك على كل ليلة خليتني مربوطة فيها فهاديك الدار عمري ما نسمحلك على اغتصابك المتوحش المتكرر عمري ما نسمحلك على دموع ماما لي بكاتهم و شرفي لي مسحت بيه الارض..و بالنسبة لوليدي مخليتوش خاطر سامحتك..خليتو خاطر انا مشي كيما نتا انا عندي قلب منقتلش بدم بارد
قالت كلامها لي طاح عليه كيف السم و بعداتو مطريقها دخلت تحت الغطى و دارت للجيهة الثانية و هي كاتمة شهقاتها بالسيف..مرة وحدوخرا حطم كرامتها خاطر كانت راح تسمحلو و هو اصلا مشي نادم..خلاتو هكاك يشوف فيها معطاتوش حتى فرصة يكمل لي كان حيقولو..
★★★
YOU ARE READING
نيران العشق
Romanceكرونيكات كريستال كرونيك باللهجة الجزائرية كتبتها ف 2019 و مكاش لي مسرقهاليش أيا جيت نحطها هنا _____________🔥#نيران_العشق🔥_____________ ❤حينما وقعت بيدي يا صغيرتي اشعلت بداخلي نيران عشقك و التهمتني بقبلاتك..لم تدركي يومها انني عشقتك و وقعت في ظلما...
